കുന്ദമംഗലത്ത് ചെറുപുഴയില് മൃതദേഹം കണ്ട സംഭവത്തില് മരണപ്പെട്ടയാളെ തിരിച്ചറിഞ്ഞു. ചാത്തമംഗലം പുതുശ്ശേരി പറമ്പില് സുകുമാരന്റെ മകന് സുജിത്ത്(38) ആണ് മരണപ്പെട്ടത്. സുജിത്തിന്റെ ജ്യേഷ്ഠനാണ് മൃതദേഹം തിരിച്ചറിഞ്ഞത്. രണ്ടു ദിവസം മുന്പാണ് ഇയാളെ കാണാതായത്. ടൈല്സ് തൊഴിലാളിയായ ഇയാള് ഭാര്യയുമായി വേര്പിരിഞ്ഞ് തന്റെ കുട്ടിക്കൊപ്പമായിരുന്നു താമസം.
അസിസ്റ്റന്റ് സ്റ്റേഷന് ഓഫീസര് കെ പി രജീവന്, ഫയര് ആന്ഡ് റെസ്ക്യൂ ഉദ്യോഗസ്ഥരായ ബിനീഷ്, മിജാസ്, മുഹമ്മദ് ആസിഫ്, വിജിത്ത്, സിവില് ഡിഫന്സ് ഉദ്യോഗസഥരായ മഹേന്ദ്രന്, സുന്ദരന് എന്നിവരുടെ നേതൃത്വത്തില് വെള്ളിമാടുകുന്ന് നിന്നും ഫയര് ഫോഴ്സ് സ്ഥലത്തെത്തിയാണ് മൃതദേഹം കരയ്ക്കെത്തിച്ചത്.
കുന്ദമംഗലം ചെറുപുഴയില് പുളിക്കമണ്ണില് കടവിലാണ് ഇന്ന് സുജിത്തിന്റെ മൃതദേഹം കണ്ടെത്തിയത്. പുഴയുടെ മധ്യഭാഗത്ത് ഒരു മരത്തടിയില് തങ്ങിനില്ക്കുന്ന രൂപത്തിലായിരുന്നു മൃതശരീരം.
