കല്പ്പറ്റ: വയനാട് കൂടല്ലൂരിലെ നരഭോജി കടുവയെ പിടികൂടാനായി ആറാം ദിവസവും തിരച്ചില് തുടരുന്നു. കടുവയെ പിടിക്കാനായി മൂന്നു ഇടത്തിലാണ് കൂട് വച്ചിരിക്കുന്നത്. കെണിയുടെ പരിസരത്ത് കൂടി പോയ കടുവ പക്ഷേ കൂട്ടില് കയറിയില്ല.
കടുവയ്ക്കായുള്ള തിരച്ചില് ഊര്ജിതമാക്കിയിരിക്കുകയാണ് വനംവകുപ്പ്. കൂടുതല് ഉദ്യോഗസ്ഥര് അന്വേഷണത്തിനായി എത്തി. സംഘത്തിനൊപ്പം രണ്ട് കുങ്കിയാനകളുമുണ്ട്. വിക്രം, ഭരത് എന്നീ കുങ്കികളെയാണ് കൂടല്ലൂരില് എത്തിച്ചത്.
‘ഡബ്ല്യുഡബ്ല്യുഎല് 45’ എന്ന ആണ് കടുവയാണ് ആക്രമിച്ചതെന്ന് തിരിച്ചറിഞ്ഞിട്ടുണ്ട്. ‘നരഭോജിക്കടുവയാണെന്ന് തിരിച്ചറിഞ്ഞതിനാല് വെടിവച്ച് കൊല്ലാന് ചീഫ് വൈല്ഡ് ലൈഫ് വാര്ഡന് ഉത്തരവിട്ടിട്ടുണ്ട്. കടുവയുടെ അക്രമണത്തില് ശനിയാഴ്ചയാണ് ബത്തേരി വാകേരിയില് കൂടല്ലൂര് മൂടക്കൊല്ലി സ്വദേശി മരോട്ടിതറപ്പില് പ്രജീഷ് കൊല്ലപ്പെട്ടത്.
