തിരുവനന്തപുരം: ഫേസ്ബുക്കില് വെല്ലുവിളിയുമായി മുഖ്യമന്ത്രിയുടെ എസ്കോര്ട്ട് സംഘത്തിലെ പോലീസുകാരന്. മുഖ്യമന്ത്രി പിണറായി വിജയന്റെ എസ്കോര്ട്ട് ഉദ്യോഗസ്ഥനായ എം.എസ്. ഗോപി കൃഷ്ണനാണ് ഫേസ്ബുക്കില് കമന്റിട്ടത്. ‘കഴിയുമെങ്കില് വണ്ടി വഴിയില് തടയൂ, കൊല്ലം കടയ്ക്കലില് വച്ച്. എല്ലാ മറുപടിയും അന്നു തരാം’ എന്നായിരുന്നു ഗോപി കൃഷ്ണന്റെ കമന്റ്. കുമ്മിള് പഞ്ചായത്ത് അംഗവും യൂത്ത് കോണ്ഗ്രസ് നേതാവുമായ കുമ്മിള് ഷെമീറിന്റെ ഫേസ്ബുക്ക് കുറിപ്പിന് താഴെ കമന്റായാണ് എം.എസ്. ഗോപി കൃഷ്ണന് ഭീഷണി സന്ദേശം കുറിച്ചത്. മുഖ്യമന്ത്രിയുടെ ഓഫിസില് ജോലി ചെയ്യുന്ന പൊലീസ് ഉദ്യോഗസ്ഥനാണ് എം.എസ്. ഗോപികൃഷ്ണന്. എന്നാല്, നവകേരള സദസ്സിനു പോയിട്ടുള്ള മുഖ്യമന്ത്രിയുടെ സുരക്ഷാ സംഘത്തില് ഇയാളെ ഉള്പ്പെടുത്തിയിട്ടില്ല.
