ന്യൂഡല്ഹി: ആദായനികുതി ലംഘനത്തിന്റെ പേരിലുള്ള തുടര്ച്ചയായ നടപടിയുടെ പശ്ചാത്തലത്തില് ബി.ബി.സിയുടെ ഇന്ത്യയിലെ ന്യൂസ് റൂം പ്രവര്ത്തനം നിര്ത്തി. പ്രസിദ്ധീകരണ ലൈസന്സ് ഇന്ത്യന് ജീവനക്കാര് സ്ഥാപിച്ച പ്രൈവറ്റ് ലിമിറ്റഡ് കമ്പനിക്ക് കൈമാറി. കലക്ടീവ് ന്യൂസ് റൂം വഴിയാകും ബി.ബി.സിയുടെ ഇന്ത്യയിലെ ഇനിയുള്ള പ്രവര്ത്തനങ്ങള്.
മറ്റൊരു സ്ഥാപനത്തിന് പ്രസിദ്ധീകരണ ലൈസന്സ് കൈമാറുന്നത് ചരിത്രത്തില് ആദ്യമാണെന്ന് ബി.ബി.സി വ്യക്തമാക്കി. മാധ്യമപ്രവര്ത്തനത്തില് വിട്ടുവീഴ്ച ചെയ്യില്ലെന്നും ബി.ബി.സി ചൂണ്ടിക്കാട്ടി.
2002ലെ ഗുജറാത്ത് കലാപത്തെ കുറിച്ചുള്ള ‘ഇന്ത്യ; ദ മോദി ക്വസ്റ്റ്യന്’ ഡോക്യുമെന്ററി കഴിഞ്ഞ ഫെബ്രുവരിയില് സംപ്രേഷണം ചെയ്തതിന് പിന്നാലെയാണ് ബി.ബി.സിയെയും വേട്ടയാടാന് ആരംഭിച്ചത്.
