കേരളത്തിനുവേണ്ടി പാര്ലമെന്റില് ഇനി മുതല് രണ്ട് ഗാന്ധി ശബ്ദങ്ങള് ഉയരുമെന്ന് കെപിസിസി പ്രസിഡന്റ് കെ.സുധാകരന് എം പി പറഞ്ഞു. വയനാട് ലോക്സഭാ മണ്ഡലം ഒഴിയുന്ന രാഹുല് ഗാന്ധിക്ക് നന്ദിയെന്നും അദ്ദേഹത്തിന് പകരമായി എഐസിസി നിയോഗിച്ച പ്രിയങ്കാ ഗാന്ധിക്ക് കേരളത്തിലേക്ക് സ്വാഗതമെന്നും കെ.സുധാകരന് പറഞ്ഞു.
രാഹുലിനെ വന് ഭൂരീപക്ഷത്തില് വിജയിപ്പിച്ച വയനാട് ജനത പ്രിയങ്കാ ഗാന്ധിയേയും അത്രമേല് ഭൂരിപക്ഷത്തോടെ ലോക്സഭയിലേക്ക് അയക്കും. വയനാടിന് ഇനിയങ്ങോട്ട് രാഹുല് ഗാന്ധി, പ്രിയങ്കാ ഗാന്ധി, എന്നിവരുടെ കരുതലും സ്നേഹവുമാണ് ലഭിക്കാന് പോകുന്നത്.
രാഹുല് ഗാന്ധി കേരളത്തിലെ കോണ്ഗ്രസിനും വയനാടിലെ ജനങ്ങള്ക്കും നല്കിയ സേവനങ്ങളെ നന്ദിയോടെ സ്മരിക്കുന്നു. കഴിഞ്ഞ രണ്ട് ലോകസഭാ തിരഞ്ഞെടുപ്പുകളില് കോണ്ഗ്രസിനും യുഡിഎഫിനും തിളക്കമാര്ന്ന വിജയം നേടാന് സാധിച്ചത് രാഹുല് ഗാന്ധിയുടെ സാന്നിധ്യം കൊണ്ടാണെന്നും അദ്ദേഹം പറഞ്ഞു.
