Author: editor

കേരള സംഗീത നാടക അക്കാദമി മുൻ സെക്രട്ടറിയുമായിരുന്ന പി.അപ്പുക്കുട്ടൻ(85) അന്തരിച്ചു. പയ്യന്നൂരിലെ സ്വകാര്യ ആശുപത്രിയിൽ ബുധനാഴ്ച രാത്രിയായിരുന്നു അന്ത്യം. ഏറെക്കാലമായി ചികിത്സയിലായിരുന്നു.അധ്യാപകൻ, സംസ്കാരിക പ്രവർത്തകൻ, പ്രഭാഷകൻ, സാഹിത്യ നിരൂപകൻ, നാടക പ്രവർത്തകൻ എന്നീ നിലകളിൽ പ്രശസ്തനായിരുന്നു. 1996 മുതൽ അഞ്ചു കൊല്ലം കേരള സംഗീത നാടക അക്കാദമി സെക്രട്ടറിയായും പ്രവർത്തിച്ചു.ഭാര്യ: പരേതയായ സി.പി. വത്സല. മക്കൾ: സി.പി. ശ്രീഹർഷൻ (ചീഫ് കറസ്പോണ്ടന്റ്, മാതൃഭൂമി ഡൽഹി), സി.പി. സരിത, സി.പി. പ്രിയദർശൻ (ഗൾഫ്). മരുമക്കൾ: ചിത്തരഞ്ജൻ (കേരള ഗ്രാമീണ […]

പുതിയ റെക്കോർഡുകൾ ഭേദിച്ച് സ്വർണ്ണവില കുതിച്ചുയരുകയാണ്.പവന് 160 രൂപയാണ് കൂടിയിരിക്കുന്നത്. ഇതോടെ സംസ്ഥാനത്ത് ഒരു പവന്‍ സ്വര്‍ണത്തിന്റെ വില 66,480 രൂപയായി. ഗ്രാമിന് 20 രൂപ വര്‍ധിച്ച് 8310 രൂപയുമായി. ഈ മാസം മാത്രം ഒരു പവന് കൂടിയത് 2,960 രൂപയാണ്.ഈ മാസം ആദ്യം ഒരു പവൻ സ്വർണത്തിന്റെ വില 63,520 രൂപയായിരുന്നു.ഇപ്പോഴത്തെ സാഹചര്യത്തിൽ സ്വർണവില രാജ്യാന്തര വിപണിയിൽ 3,200 ഡോളർ വരെ ഉയർന്നേക്കുമെന്നാണ് അനലിസ്‌റ്റുകൾ പ്രവചിക്കുന്നത്. ഈ ട്രെൻഡ് തുടർന്നാൽ കേരളത്തിൽ സ്വർണവില പവന് അടുത്ത […]

മുണ്ടക്കെെ – ചൂരൽമല പുനരധിവാസത്തിനായി സർക്കാർ നടത്തിയ വയനാട് സാലറി ചലഞ്ചിൽ 231 കോടി രൂപ കിട്ടി . സർക്കാർ 500 കോടി രൂപയെങ്കിലും പ്രതീക്ഷിച്ചിരുന്നുവെങ്കിലും 300 കോടി പോലും തികച്ച് ലഭിച്ചില്ല. പണം സ്വീകരിക്കാൻ തുറന്ന ട്രഷറി അക്കൗണ്ടിലെ മാർച്ച് പത്തുവരെയുള്ള കണക്കുകൾ പ്രകാരം കൃത്യം 231,20,97,062 രൂപയാണ് ലഭിച്ചതെന്ന് മുഖ്യമന്ത്രി പിണറായി വിജയനാണ് നിയമസഭയിൽ പറഞ്ഞു. ലിന്റോ ജോസഫ് എംഎൽഎയ്ക്ക് മറുപടി നൽകിക്കൊണ്ടാണ് ഇക്കാര്യം മുഖ്യമന്ത്രി വ്യക്തമാക്കിയത്.ഓരോ വകുപ്പിൽ നിന്ന് 2024 – 2025 […]

കഴിഞ്ഞ കുറച്ചു ദിവസങ്ങളായി പുലി ഭീതിലാണ് മമ്പാട്ടുക്കാർ. ഇന്നലെ രാത്രിയും പ്രദേശവാസികൾ പുലിയെ വീണ്ടും കണ്ടു. നടുവക്കാട് ഇളംപുഴയിലാണ് പുലിയെ വീണ്ടും കണ്ടത്. ജനവാസമേഖലയിൽ പുലിയുടെ സ്ഥിര സാന്നിധ്യം പ്രദേശവാസികളെ ആശങ്കയിലാക്കിയിട്ടുണ്ട്.ബുധനാഴ്ച രാത്രി രണ്ടിടങ്ങളിലാണ് പുലിയെ കണ്ടത്. രാത്രി ഏഴരയോടെ ഇളംപുഴയിലാണ് ആദ്യം കണ്ടത്. പുലി ഓടിമറയുന്നതു കണ്ടെന്നാണ് നാട്ടുകാർ അറിയിച്ചത്. തുടർന്ന് രാത്രി ഒൻപതോടെ മമ്പാട് കോളേജ് കവലയിലും പുലിയെ കണ്ടെന്ന വിവരത്തെത്തുടർന്ന് വനപാലകർ പരിശോധനയ്ക്കെത്തി.ഇളംപുഴയിൽ കെണിവെച്ച സ്ഥലത്തിനോടുചേർന്ന് വയലാണ്. ഇതിന്റെ മറുകരയോടുചേർന്ന പ്രദേശത്താണ് പുലിയെ […]

കളമശേരി പോളിടെക്നിക്കിലെ വിദ്യാർഥികൾക്ക് കഞ്ചാവ് എത്തിക്കുന്ന അന്യസംസ്ഥാന തൊഴിലാളികൾക്കായി അന്വേഷണം ഊർജ്ജിതമാക്കി പോലീസ്. പിടിയിലായ അന്യസംസ്ഥാനക്കാരായ സുഹൈലും അഹിന്ത മണ്ഡലും മുഖ്യ കണ്ണികളാണെന്ന് പൊലീസ് പറയുന്നു. ഇവരുടെ കൂട്ടാളിയെ നെടുമ്പാശേരി പൊലീസ് അറസ്റ്റ് ചെയ്തിരുന്നു. ബംഗാൾ സ്വദേശിയും ഇവരുടെ കൂട്ടാളിയുമായ ദീപു മൊണ്ടലിനെ ഒന്നര കിലോ കഞ്ചാവുമായാണ് നെടുമ്പാശേരി പൊലീസ് അറസ്റ്റ് ചെയ്തത്.ഇതര സംസ്ഥാനക്കാരുമായി നേരത്തെ അറസ്റ്റിലായ ഷാലിക്കിന് മുൻപും സാമ്പത്തിക ഇടപാടുകളുണ്ട്. സംഘത്തിലെ മറ്റുള്ളവർക്കായി അന്വേഷണം തുടരുകയാണ്.

ചികിത്സയിൽ കഴിയുന്ന ഫ്രാൻസിസ് മാർപാപ്പയുടെ ആരോഗ്യനിലയിൽ പുരോഗതിയുണ്ടെന്ന് വത്തിക്കാൻ. മാർപാപ്പ ഓക്‌സിജന്റെ സപ്പോർട്ടില്ലാതെ ശ്വസിക്കാൻ തുടങ്ങിയതായും മാസ്ക് മാറ്റിയതായും വത്തിക്കാൻ അറിയിച്ചു. കഴിഞ്ഞ കുറച്ച് ദിവസങ്ങൾക്കു മുൻപാണ് പ്രാർത്ഥനയിൽ മുഴുകിയിരിക്കുന്ന മാർപാപ്പയുടെ ചിത്രങ്ങൾ വത്തിക്കാൻ പുറത്തുവിട്ടത്. അത് ലോകമെമ്പാടുമുളള വിശ്വാസികൾക്ക് ആശ്വാസം പകരുന്ന തരത്തിലുളളതായിരുന്നു.ശ്വാസകോശ സംബന്ധമായ അണുബാധയെ തുടർന്ന് കഴിഞ്ഞ മാസം 14നാണ് അദ്ദേഹത്തെ റോമിലെ ജെമെല്ലി ആശുപത്രിയിൽ പ്രവേശിപ്പിച്ചത്. ചികിത്സയിലായതിനുശേഷം അദ്ദേഹം പൊതുവേദികളിൽ എത്തിയിരുന്നില്ല. ആശുപത്രിയിലെ പ്രാർത്ഥനാ മുറിയിൽ വീൽചെയറിലിരുന്ന് പ്രാർത്ഥിക്കുന്ന മാർപാപ്പയുടെ ചിത്രമാണ് പുറത്തുവന്നത്. […]

മതസൗഹാർദ്ദ മൂല്യങ്ങൾ ഉയർത്തിപ്പിടിച്ച് ഒരു ദിവസത്തെ റംസാൻ വ്രതം അനുഷ്ഠിച്ച്ഇഫ്താർ വിരുന്നിൽ പങ്കെടുക്കാൻ ഒരുങ്ങിയിരിക്കുന്നത്. കുന്ദമംഗലം ഗ്രാമപഞ്ചായത്ത് വൈസ് പ്രസിഡന്റ് വി. അനിൽകുമാർ. റമദാൻ കാലത്തെ ക്ഷണിക്കപ്പെടുന്ന എല്ലാ നോമ്പുതുറകളിലും ഇദ്ദേഹം നോമ്പെടുത്താണ് പങ്കെടുക്കാറ്. ഏതാണ്ട് 10 വർഷമായി ഇങ്ങനെ നോമ്പെടുക്കാറുണ്ട്. മനുഷ്യർ തമ്മിലുള്ള ഐക്യത്തിന്റെ ഭാഗമായാണ് ഇഫ്താർ വിരുന്നികളിൽ വ്രതം അനുഷ്ഠിച്ച് പോകുന്നതെന്ന് അദ്ദേഹം പറഞ്ഞു.കുന്ദമംഗലം ഗ്രാമപഞ്ചായത്ത് മെമ്പർമാരുടെ ഇഫ്താർ വിരുന്ന് ആണ് ഇന്ന്.

സർക്കാരിന്റെ നൂറുദിന കർമ്മ പരിപാടിയുടെ ഭാഗമായി നിലമ്പൂർ നിയോജകമണ്ഡലത്തിൽ നടപ്പാക്കിയ 1.65 കോടിയുടെ പദ്ധതി മാർച്ച് 21ന് മന്ത്രി വീണാജോർജ് ഉദ്ഘാടനം ചെയ്യും. എടക്കര കുടുംബാരോഗ്യകേന്ദ്രത്തിന്റെ പുതിയ കെട്ടിടം, കുറുമ്പലങ്ങോട് പ്രാഥമികാരോഗ്യകേന്ദ്രത്തിന്റെ നവീകരണം എന്നിവയാണ് മന്ത്രി ഉദ്ഘാടനം നിർവഹിക്കുന്നത്. ദേശീയ ആരോഗ്യ ദൗത്യത്തിന്റെ 1.27 കോടി ചെലവിലാണ് എടക്കര കുടുംബാരോഗ്യകേന്ദ്രത്തിന്റെ പുതിയ കെട്ടിടം നിർമ്മിച്ചത്. ഫാർമസി സ്റ്റോർ, ആധുനിക രീതിയിലുളള ഒപി കൗണ്ടർ പരിശോധനാമുറി, ആധുനിക ലാബ് സൗകര്യം, കാത്തിരിപ്പ് സ്ഥലം, ഒബ്‌സർവേഷൻ റൂം, മുലയൂട്ടൽ മുറി, […]

പോക്സോ കേസിൽ പ്രതിക്ക് 28 വർഷം തടവ് ശിക്ഷ. കണ്ണൂർ ആലക്കോട് പെരുനിലത്തെ ഹരീഷിനെയാണ് തളിപ്പറമ്പ് പോക്സോ കോടതി ശിക്ഷിച്ചത്. 2021 ഡിസംബറിലാണ് കേസിന് ആസ്പദമായ സംഭവം.16കാരിയെ ലൈംഗികാതിക്രമത്തിന് ഇരയാക്കിയെന്നാണ് കേസ്.

രക്ഷിതാക്കൾ വഴക്കുപറഞ്ഞതിനെത്തുടർന്ന് ഇടുക്കി കാഞ്ചിയാറിൽ ഒൻപതാംക്ലാസുകാരനെ തൂങ്ങിമരിച്ചനിലയിൽ കണ്ടെത്തി. ഫോണുപയോഗത്തെച്ചൊല്ലിയും പഠിക്കുന്നതുമായി ബന്ധപ്പെട്ടും രക്ഷിതാവ് കുട്ടിയെ ശകാരിച്ചിരുന്നു. മാതാപിതാക്കൾ ജോലിക്കുപോയിരിക്കുകയായിരുന്നു. ഇവർ കുട്ടിയെ വിളിച്ചിട്ട് കിട്ടാതായതോടെ അയൽവാസികളെ വിവരമറിയിക്കുകയായിരുന്നു.ഇവർ വന്ന് നോക്കുമ്പോൾ അടുക്കളയുടെ ഭാ​ഗത്തായി തൂങ്ങിമരിച്ച നിലയിലായി കുട്ടിയെ കണ്ടെത്തുകയായിരുന്നു. പോലീസ് വിശദമായ അന്വേഷണം ആരംഭിച്ചിട്ടുണ്ട്. കുട്ടിയുടെ മൃതദേഹം ആശുപത്രിയിലേക്ക് മാറ്റിയിരിക്കുകയാണ്.