Author: editor

തിരുവനന്തപുരം: മുതിര്‍ന്ന കോൺഗ്രസ് നേതാവും മുൻ കെപിസിസി പ്രസിഡന്‍റുമായിരുന്ന തെന്നല ബാലകൃഷ്ണ പിള്ള (94) വിടവാങ്ങി. രണ്ട് തവണ അടൂരിൽ നിന്നും നിയമസഭാ അംഗമായിട്ടുണ്ട്.കൊല്ലം ജില്ലയിലെ കുന്നത്തൂർ താലൂക്കിലെ ശൂരനാട് ഗ്രാമത്തിൽ തെന്നല എൻ.ഗോവിന്ദപിള്ളയുടേയും ഈശ്വരിയമ്മയുടേയും മകനായി 1931 മാർച്ച് 11നാണ് ജനനം. തിരുവനന്തപുരം എംജി കോളജിൽ നിന്ന് ബിഎസ്സി യിൽ ബിരുദം നേടിയാണ് പഠനം പൂർത്തിയാക്കിയത്. കോൺഗ്രസിൻ്റെ പുളിക്കുളം വാർഡ് കമ്മറ്റി പ്രസിഡൻറായാണ് രാഷ്ട്രീയ ജീവിതം തുടങ്ങുന്നത്. പിന്നീട് കുന്നത്തൂർ ബ്ലോക്ക് കോൺഗ്രസ് കമ്മിറ്റിയുടേയും ശൂരനാട് […]

തൊടുപുഴ: പൊലീസുകാരൻ സൈക്കിൾ മോഷ്ടിച്ച സംഭവത്തിൽ മോഷണക്കുറ്റത്തിന് കേസെടുക്കാതെ പൊലീസ്. സസ്‌പെൻഷൻ ഉത്തരവ് ഇറങ്ങിയിട്ട് മൂന്നുദിവസം പിന്നിടുമ്പോഴും തൊണ്ടിമുതൽ മോഷ്ടിച്ച പൊലീസുകാരനെതിരെ കേസെടുക്കാൻ പൊലീസ് തയാറായിട്ടില്ല. കേസെടുക്കാത്തത് സൈക്കിൾ തിരികെ എത്തിച്ചത് കൊണ്ടെന്നാണ് പൊലീസിന്റെ വിശദീകരണം. സസ്‌പെൻഷനിലായ കെ.ജയ്‌മോനെ ഉന്നത ഉദ്യോഗസ്ഥർ സംരക്ഷിക്കുന്നു എന്ന ആരോപണം ശക്തമാണ്. തൊണ്ടിമുതലായി സൂക്ഷിച്ചിരുന്ന സ്‌പോർട്‌സ് സൈക്കിൾ കടത്തിയെന്നതാണ് ജയ്‌മോനെതിരെയുള്ള കേസ്. സംഭവം വിവാദമായപ്പോൾ സൈക്കിൾ തിരികെ എത്തിച്ചിരുന്നു.

വയനാട്ടിൽ വനംവകുപ്പ് പട്രോളിങ് വാഹനത്തിനു നേരെ കാട്ടാന ആക്രമണം. ആക്രമണത്തിൽ വനം വാച്ചർ രാമന് പരിക്കേറ്റു. ഇയാളെ കൽപ്പറ്റ ജനറൽ ആശുപത്രിയിൽ പ്രവേശിപ്പിച്ചു.പുലർച്ചെ രണ്ടരയോടെയാണ് ആക്രമണമുണ്ടായത്. പട്രോളിങ് നടത്തുന്ന വാഹനത്തിനു നേരെ തോട്ടത്തിൽ നിന്ന് ആന പാഞ്ഞടുക്കുകയായിരുന്നു. ആക്രമണത്തിൽ നിന്ന് രക്ഷപ്പെടാനായി ജീപ്പിന് പുറകിൽ ഒളിച്ചതായിരുന്നു രാമൻ. ഇതിനിടയിലാണ് പരിക്കേൽക്കുന്നത്. പരിക്ക് ഗുരുതരമല്ല.

കുന്ദമംഗലം: കുന്ദമംഗലത്ത് കഞ്ചാവ് വേട്ട.രണ്ടു കിലോ കഞ്ചാവുമായി അതിഥി തൊഴിലാളികൾ പിടിയിൽ.കുന്ദമംഗലം എക്സൈസ് ഇൻസ്പെക്ടർ ആശിക് ഷാന്റെ നേതൃത്വത്തിലുള്ള സംഘമാണ് അതിഥി തൊഴിലാളികളെ പിടികൂടിയത്. രഹസ്യവിവരത്തെ തുടർന്ന് നടത്തിയ അന്വേഷണത്തിനൊടുവിലാണ് രണ്ട് കിലോ കഞ്ചാവുമായി യുവാക്കൾ എക്സൈസ്ൻ്റെ പിടിയിലാവുന്നത്. ഉത്തർപ്രദേശ് സ്വദേശികളായ ഫർക്കുന്ത്‌ അലി(25), ജുബൈർ അഹമ്മദ് (30) എന്നിവരാണ് അറസ്റ്റിലായത്.സ്കൂട്ടർ അടക്കമാണ് കുന്ദമംഗലം എക്സൈസ് അറസ്റ്റ് ചെയ്തത്.

തിരുവനന്തപുരം: പത്മനാഭസ്വാമി ക്ഷേത്രത്തിലെ സ്വർണമോഷണവുമായി ബന്ധപ്പെട്ട് ജീവനക്കാർക്ക് നുണ പരിശോധന നടത്താൻ പൊലീസ്. 8 ജീവനക്കാരെ നുണപരിശോധന നടത്താൻ ഫോർട്ട് പൊലീസ് കോടതിയിൽ അനുമതി തേടി. ജുഡീഷ്യൽ മജിസ്ട്രേറ്റ് കോടതിയിലാണ് അപേക്ഷ നൽകിയത്. ക്ഷേത്രത്തിലെ ശ്രീകോവിലിൻ്റെ നിർമ്മാണത്തിന് പുറത്തെടുത്ത സ്വർണമാണ് കാണാതായത്. ഈ സ്വർണം ക്ഷേത്രമതിലിനകത്തെ മണലിൽ നിന്നും കണ്ടെത്തുകയായിരുന്നു. അന്ന് സ്വർണം കൈകാര്യം ചെയ്തവരെയാണ് നുണപരിശോധന നടത്തുന്നത്.

താമരശ്ശേരി: കുറ്റിപ്പടിമേൽ മാധവൻ നമ്പ്യാർ ( 86 )നിര്യാതനായി.ഭാര്യ: നളിനി.മക്കൾ:ഗീത ചെറുകുളത്തൂർ,ബീന കുരിക്കത്തൂർ,ഷീബ താമരശ്ശേരി.മരുമക്കൾ: കുട്ടൻ കുരിക്കത്തൂർ, വിനോദ് താമരശ്ശേരി,പരേതനായ ബാലഗോപാലൻ ചെറുകുളത്തൂർ.സംസ്കാരം ജൂൺ 6 ന് രാവിലെ 9 മണിക്ക് മാവൂർ റോഡ് ശ്മശാനത്തിൽ.

കുന്ദമംഗലം;നാഷണൽ ഹൈവേയിൽ ഗതാഗതക്കുരുക്ക് ഏറെയുള്ള പന്തീർപ്പാടം ജംഗ്ഷൻ സ്മാർട്ടാവുന്നു. കുമ്മങ്ങോട്ട്താഴം പന്തീർപ്പാടം തേവർകണ്ടി റോഡിലെ പ്രധാന കേന്ദ്രമായ ഈ ജംഗ്ഷൻ നവീകരിക്കുന്നത് 25 ലക്ഷം രൂപയുടെ ഭരണാനുമതി ലഭ്യമാക്കിയതായി പി.ടി.എ റഹീം എംഎൽഎ അറിയിച്ചു. ജംഗ്ഷനിൽ ആവശ്യമായ ഭൂമി ഏറ്റെടുക്കുന്നതിന് നേരത്തെ 50 ലക്ഷം രൂപയുടെ ഭരണാനുമതി ലഭിച്ചിരുന്നു. ഏറ്റെടുക്കുന്ന സ്ഥലത്തിന്റെയും കെട്ടിടത്തിന്റെയും നഷ്ടപരിഹാരമായി ഉടമകൾക്ക് നൽകുന്നതിന് 31 ലക്ഷം രൂപ അനുവദിക്കുകയും ആയത് ഭൂമി ഏറ്റെടുക്കൽ ചുമതലയുള്ള സ്പെഷ്യൽ തഹസിൽദാർക്ക് കൈമാറുകയും ചെയ്തിട്ടുണ്ട്. പ്രസ്തുത ഭൂമിയിലെ […]

തിരുവനന്തപുരം: ട്രോളിംഗ് നിരോധനം സംസ്ഥാനത്ത് ഈ മാസം പത്ത് മുതൽ. ഇന്നുച്ചേർന്ന മന്ത്രിസഭാ യോഗത്തിലാണ് തീരുമാനം. ജൂൺ ഒൻപത് അർദ്ധരാത്രി മുതൽ ജൂലായ് 31 അർദ്ധരാത്രിവരെ 52 ദിവസമാണ് ട്രോളിംഗ് നിരോധനം ഏർപ്പെടുത്തിയത്. ഇത് സംബന്ധിച്ച വിജ്ഞാപനം പുറപ്പെടുവിച്ചു.ട്രോളിംഗ് നിരോധന കാലയളവിൽ കേരള തീരത്ത് മത്സ്യബന്ധന ബോട്ടുകൾ കടലിൽ പോകുവാനോ മത്സ്യബന്ധനം നടത്താനോ പാടുള്ളതല്ലെന്ന് ഫിഷറീസ് വകുപ്പ് അറിയിച്ചു. കടലോരമേഖലകളിൽ പൊലീസ് നിരീക്ഷണവും കടൽ നിരീക്ഷണവും ശക്തമാക്കുന്നതിന് എ.ഡി.എം ഇൻ ചാർജ് കെ.വി. ശ്രുതിയുടെ അദ്ധ്യക്ഷതയിൽ ചേർന്ന […]

കുന്ദമംഗലം;പരിസ്ഥിതി ദിനത്തോടൊനുബന്ധിച്ചു കുന്ദമംഗലം അരവിന്ദ വിദ്യാനികേതൻ വിദ്യാലയത്തിൽ ബി ജെ പി മണ്ഡലം കമ്മിറ്റിയുടെ നേതൃത്വത്തിൽ ഫലവൃക്ഷ തൈ നട്ടു. സംസ്ഥാന വൈസ് പ്രസിഡന്റ് പി.രഘുനാഥ്, മണ്ഡലം പ്രസിഡണ്ട് സുധീർ കുന്ദമംഗലം, ജനറൽ സെക്രട്ടറി പി. സിദ്ധാർത്ഥൻ, വൈസ് പ്രസിഡൻ്റുമാരായ വിമോദ് ,കെ. ധന്യ,പി.ശ്രീരാജ്, പി.സുധീർ, ഭാസ്ക്കരൻ, ചന്ദ്രമോഹനൻ, ദിലീപ് എന്നിവർ പരിപാടിയിൽ പങ്കെടുത്തു.

നിര്‍മ്മാണത്തിലിരുന്ന ദേശീയപാത തകര്‍ന്ന സംഭവത്തില്‍ പാര്‍ലമെന്റ് പബ്ലിക്ക് അക്കൗണ്ട്‌സ് കമ്മിറ്റി ചെയര്‍മാന്‍ എന്ന നിലയില്‍ കാര്യക്ഷമമായി ഇടപെട്ട കെ.സി.വേണുഗോപല്‍ എംപിയെ വിമര്‍ശിക്കുക വഴി പൊതുമരാമത്ത് മന്ത്രി മുഹമ്മദ് റിയാസ് വാദിയെ പ്രതിയാക്കാനാണ് ശ്രമിക്കുന്നതെന്ന് കെപിസിസി പ്രസിഡന്റ് അഡ്വ. സണ്ണി ജോസഫ് എംഎല്‍എ. ദേശീയപാതയുമായി ബന്ധപ്പെട്ട് മന്ത്രി റിയാസിന് ആദ്യം തള്ളലായിരുന്നു. പിന്നീട് പാതയില്‍ വിള്ളല്‍ വന്നു. ഈ വിഷയത്തില്‍ കെ.സി.വേണുഗോപാല്‍ ജനങ്ങളുടെ പ്രതിഷേധം രേഖപ്പെടുത്തിയപ്പോള്‍ ഇപ്പോള്‍ മന്ത്രിക്കത് പൊള്ളലായി മാറിയെന്നും സണ്ണിജോസഫ് പരിഹസിച്ചു. കൂരിയാട് കേരളത്തിലാണെങ്കില്‍ ദേശീയപാതയിലെ […]