Author: veena vp

കല്‍പ്പറ്റ: വയനാട് ചെന്നലോട് പന്ത് തൊണ്ടയില്‍ കുടുങ്ങി രണ്ടര വയസുകാരന്‍ മരിച്ചു. ചെന്നലോട് സ്വദേശി മുഹമ്മദ് ബഷീറിന്റെ മകന്‍ മുഹമ്മദ് അബൂബക്കറാണ് മരിച്ചത്. കളിക്കുന്നതിനിടെ പന്ത് തൊണ്ടയില്‍ കുരുങ്ങുകയായിരുന്നു. ഇന്നലെ രാത്രി 10 മണിയോടെയാണ് സംഭവം. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല.

മലപ്പുറം: ഉദിരംപൊയിലില്‍ രണ്ടുവയസുകാരിയെ പിതാവ് മര്‍ദിച്ച് കൊന്നെന്ന് പരാതി. പിതാവ് മുഹമ്മദ് ഫായിസിനെതിരെ മാതാവും ബന്ധുക്കളും പരാതി നല്‍കി. കുഞ്ഞിന്റെ ദേഹത്ത് മര്‍ദനമേറ്റ് കരുവാളിച്ച പാടുകളുണ്ട്. കുഞ്ഞിന്റെ തൊണ്ടയില്‍ ഭക്ഷണം കുടുങ്ങിയെന്ന് പറഞ്ഞാണ് ഇന്നലെ വൈകിട്ട് പിതാവ് കുട്ടിയെ ആശുപത്രിയിലെത്തിച്ചത്. പോസ്റ്റ്‌മോര്‍ട്ടത്തിനുശേഷമേ മരണകാരണം വ്യക്തമാകൂ എന്ന് പൊലീസ്.

കൊല്ലം: കൊല്ലത്ത് ക്ഷേത്രോത്സവത്തിനിടെ തിക്കിലും തിരക്കിലും പെട്ട് അഞ്ചു വയസ്സുകാരി മരിച്ചു. കൊല്ലം കൊറ്റംകുളങ്ങര ക്ഷേത്രത്തിലെ ചമയ വിളക്കിനോട് അനുബന്ധിച്ചുണ്ടായ ആഘോഷത്തിനിടെയാണ് അപകടം. ചവറ വടക്കുംഭാഗം പാറശേരി തെക്കതില്‍ വീട്ടില്‍ രമേശന്റെയും ജിജിയുടേയും മകള്‍ ക്ഷേത്രയാണ് മരിച്ചത്. വണ്ടിക്കുതിര വലിക്കുന്നതിനിടെ ഉണ്ടായ തിക്കിലും തിരക്കിലും പെട്ടാണ് കുട്ടിയുടെ മരണം സംഭവിച്ചത്.

കുന്ദമംഗലം: മുറിയനാല്‍ കഴുത്തിടുക്കില്‍ താമസിക്കും കുന്ദമംഗലം വടക്കേയില്‍ ഹസ്സന്‍ കോയ (80) (മില്‍) നിര്യാതനായിഭാര്യ:മക്കള്‍: ഫൗസിയ, താജുദ്ദീന്‍, ഹസീന. മരുമക്കള്‍: സാബിറ, ഇബ്രാഹിം കുഴിപ്പുറത്ത് മണ്ണില്‍ഫൗസിയ, താജുദ്ദീന്‍, ഹസീന. മരുമക്കള്‍: സാബിറ, ഇബ്രാഹിം കുഴിപ്പുറത്ത് മണ്ണില്‍. മയ്യിത്ത് നിസ്‌കാരംഇന്ന് രാത്രി 10 മണിക്ക്കുന്ദമംഗലം സുന്നീ ജുമാ മസ്ജിദില്‍.