Tag: gold

തൃശൂര്‍: തൃശൂരില്‍ 74 സ്വര്‍ണാഭരണ നിര്‍മ്മാണകേന്ദ്രങ്ങളില്‍ ജിഎസ്ടി റെയ്ഡ്. 104 കിലോ കണക്കില്‍പ്പെടാത്ത സ്വര്‍ണം കണ്ടെത്തി. രഹസ്യ വിവരത്തിന്റെ അടിസ്ഥാനത്തിലാണ് ജിഎസ്ടി ഇന്റലിജന്‍സ് വിഭാഗം സ്വര്‍ണാഭരണ നിര്‍മ്മാണകേന്ദ്രങ്ങളില്‍ റെയ്ഡ് നടത്തിയത്. ഏകദേശം 700 ഉദ്യോഗസ്ഥരുടെ സാന്നിധ്യത്തിലാണ് 74 കേന്ദ്രങ്ങളിലായി പരിശോധന നടക്കുന്നത്. ഇന്നലെ രാവിലെ ആരംഭിച്ച പരിശോധന ഇന്നും തുടരുകയാണ്. 104 കിലോ കണക്കില്‍പ്പെടാത്ത സ്വര്‍ണത്തിന് പുറമെ 5 വര്‍ഷത്തെ നികുതി വെട്ടിപ്പിന്റെ രേഖകളും പിടിച്ചെടുത്തിട്ടുണ്ട്. 104 കിലോ എന്നത് വരുംമണിക്കൂറുകളില്‍ ഉയരാന്‍ സാധ്യതയുണ്ട്. റെയ്ഡ് പുരോഗമിക്കുകയാണ്.

കൊച്ചി: സ്വര്‍ണത്തിന് റെക്കോഡ് വില. പവന് 320 രൂപ കൂടി. പവന് 58720 രൂപയാണ് ഇന്നത്തെ വില. ഗ്രാമിന് 40 രൂപ വര്‍ധിച്ച് 7340 രൂപയിലെത്തി. ഈ മാസത്തിന്റെ തുടക്കത്തില്‍ 56,400 രൂപയായിരുന്നു ഒരു പവന്റെ വില. പത്തിന് 56,200 രൂപയായി താഴ്ന്ന് ഈ മാസത്തെ ഏറ്റവും താഴ്ന്ന നിലവാരത്തിലേക്കും എത്തി. തുടര്‍ന്ന് ഓരോ ദിവസം കഴിയുന്തോറും വില ഉയരുന്നതാണ് കാഴ്ചയാണ് കണ്ടത്. ഇന്നലെ മാറ്റമില്ലാതെ തുടര്‍ന്ന സ്വര്‍ണവിലയാണ് ഇന്ന് മുന്നേറ്റം കാഴ്ചവെച്ചത്.

കൊച്ചി: സംസ്ഥാനത്ത് സ്വര്‍ണവില പുതിയ റെക്കോര്‍ഡില്‍. പവന് 58,240 രൂപയായി. ഇന്ന് ഒറ്റയടിക്ക് പവന് 320 രൂപയാണ് വര്‍ധിച്ചത്. ഗ്രാമിന് 40 രൂപയാണ് വര്‍ധിച്ചത്. 7280 രൂപയായാണ് ഒരു ഗ്രാം സ്വര്‍ണത്തിന്റെ വില ഉയര്‍ന്നത്. കഴിഞ്ഞ ദിവസം പവന് 360 രൂപ വര്‍ധിച്ചതോടെയാണ് സ്വര്‍ണവില ആദ്യമായി 57,000 കടന്നത്. ഇന്നലെ സ്വര്‍ണവില ഒരു പവന് 57,280 രൂപയായിരുന്നു. ഈ മാസത്തിന്റെ തുടക്കത്തില്‍ 56,400 രൂപയായിരുന്നു ഒരു പവന്‍ സ്വര്‍ണത്തിന്റെ വില.

കൊച്ചി: റെക്കോര്‍ഡുകള്‍ ഭേദിച്ച് കുതിപ്പ് തുടര്‍ന്ന് സ്വര്‍ണവില. പവന് 640 രൂപ കൂടി. ഇതോടെ സ്വര്‍ണവില 58,000ത്തിനടുത്തെത്തി. 57,920 രൂപയാണ് നിലവില്‍ ഒരു പവന്‍ സ്വര്‍ണത്തിന്റെ വില. ഇന്നലെ ഇത് 57,280 രൂപയായിരുന്നു. ഗ്രാമിന് 80 രൂപ കൂടി 7,240 രൂപയായി. എട്ടു ദിവസത്തിനിടെ 1720 രൂപയാണ് സ്വര്‍ണത്തിന് വര്‍ധിച്ചത്. അന്താരാഷ്ട്രവിപണിയില്‍ സ്വര്‍ണവില കുതിച്ചുയര്‍ന്നതാണ് സംസ്ഥാനത്തും വില ഉയര്‍ത്തിയത്. നിലവിലെ സാഹചര്യത്തില്‍ അന്താരാഷ്ട്രവില 2700 ഡോളര്‍ കടന്നേക്കുമെന്നും അത് വീണ്ടും വില വര്‍ധിപ്പിക്കുമെന്നുമാണ് വിപണി വിദഗ്ധര്‍ സൂചിപ്പിക്കുന്നത്.

കൊച്ചി: വീണ്ടും സ്വര്‍ണവില കുതിക്കുന്നു. സ്വര്‍ണവില ഇന്ന് ഗ്രാമിന് 60 രൂപ വര്‍ധിച്ച് 7060 രൂപയും, പവന് 480 രൂപ വര്‍ധിച്ച് 56,480 രൂപയുമായി. 18 കാരറ്റ് സ്വര്‍ണം ഗ്രാമിന് 5840 രൂപയായി. 24 കാരറ്റ് തങ്കക്കട്ടിയുടെ ബാങ്ക് നിരക്ക് കിലോഗ്രാമിന് 77.5 ലക്ഷം രൂപയ്ക്ക് അടുത്തായി. അന്താരാഷ്ട്ര സ്വര്‍ണവില 2660 ഡോളറിലും ഇന്ത്യന്‍ രൂപയുടെ വിനിമയ നിരക്ക് 83.54 ആണ്. പശ്ചിമേഷ്യയില്‍ ആക്രമണം രൂക്ഷമായതിനെ തുടര്‍ന്നാണ് വില ക്രമാതീതമായി വര്‍ധിക്കുന്നത്. യുദ്ധ ആശങ്കകള്‍ വര്‍ധിക്കുമ്പോള്‍ സ്വര്‍ണത്തില്‍ […]