കൊച്ചി: സംസ്ഥാനത്ത് ഇന്ന് സ്വര്ണവില പുതിയ റെക്കോര്ഡിട്ടു. പവന് 480 രൂപയാണ് ഇന്ന് മാത്രം കൂടിയത്. ഇതോടെ വിപണിയില് ഒരു പവന് സ്വര്ണത്തിന്റെ വില 59, 000 രൂപയായി. ഗ്രാമിന് 60 രൂപയാണ് വര്ധിച്ചത്. 7375 രൂപയാണ് ഒരു ഗ്രാം സ്വര്ണത്തിന്റെ വില.
ഈ മാസത്തിന്റെ തുടക്കത്തില് 56,400 രൂപയായിരുന്നു സ്വര്ണവില. പത്തിന് 56,200 രൂപയായി താഴ്ന്ന് ഈ മാസത്തെ ഏറ്റവും താഴ്ന്ന നിലവാരത്തില് എത്തി. എന്നാല് പിന്നീടുള്ള ദിവസങ്ങളില് റെക്കോര്ഡുകള് ഭേദിച്ച് വില ഉയരുന്നതാണ് ദൃശ്യമായത്. ഇന്നലെ 360 രൂപ കുറഞ്ഞത് താത്കാലികം മാത്രമാണെന്ന് സൂചന നല്കിയാണ് ഇന്ന് വില വീണ്ടും ഉയര്ന്നത്.
