പാലക്കാട് പേ വിഷബാധയേറ്റ് കോളജ് വിദ്യാര്ഥിനി മരിക്കാനിടയായ സംഭവത്തിൽ മുറിവിന്റെ ആഴം കൂടിയത് മരണ കാരണമായിട്ടുണ്ടാകാമെന്ന് ഡിഎംഒ. വാക്സിന്റെ ഗുണനിലവാരത്തിലോ എടുത്തതിലോ സംശയിക്കേണ്ട ഒരു കാര്യവുമില്ല.കടിച്ച പട്ടിക്ക് വാക്സിന് നല്കിയിട്ടില്ല. റാപ്പിഡ് റെസ്പോണ്സ് ടീ ംഎല്ലാം വിശദമായി അന്വേഷിക്കുമെന്നും ഡിഎംഒ പറഞ്ഞു.പെണ്കുട്ടിക്ക് നാല് ഡോസ് വാക്സിന് കൃത്യസമയത്ത് തന്നെ നല്കിയിരുന്നു. ശരീരത്തിലെ മുറിവ് വളരെ ആഴത്തിലായിരുന്നു. അത് കാരണാമാകാം പേ വിഷബാധയേറ്റ് മരിക്കാന് ഇടയായതെന്നാണ് സംശയിക്കുന്നത്. കടിച്ചത് വളര്ത്തുപട്ടിയായിരുന്നില്ലെന്നും അതിന് വാക്സിന് നല്കിയിരുന്നില്ലെന്നും ഡിഎംഒ പറഞ്ഞു.
മേയ് മുപ്പതിനാണ് നായ ശ്രീലക്ഷ്മിയുടെ കൈയ്യില് കടിച്ചത്. രാവിലെ കോളജിലേക്ക് പോകാന് റോഡിലേക്ക് നടക്കുന്നതിനിടയിലായിരുന്നു ആക്രമണം.ബുധനാഴ്ച രാവിലെ പതിനൊന്നോടെയാണ് പെൺകുട്ടിയെ തൃശ്ശൂർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്. ചെറിയ ലക്ഷണങ്ങളാണ് ഉണ്ടായിരുന്നത്. പിന്നീട് പൂർണമായും ലക്ഷണം കാണിച്ചു.
