ശബരിമല ശ്രീകോവിലിലെ ചോർച്ച പരിഹരിക്കാനുള്ള പരിശോധനകള് പൂര്ത്തിയായി.ശ്രീകോവിലിലെ ചോര്ച്ചയ്ക്ക് കാരണം സ്വര്ണപ്പാളികള് ഉറപ്പിച്ച സ്വര്ണം പൊതിഞ്ഞ ആണികള് ദ്രവിച്ചതാണെന്ന് കണ്ടെത്തി. സ്വര്ണപ്പാളികള് ഉറപ്പിച്ച ആണികള് മുഴുവന് മാറ്റും. സ്വര്ണപ്പാളികള്ക്കിടയിലെ വിടവ് വഴിയുള്ള ചോര്ച്ച തടയാന് പശ ഉപയോഗിക്കും. ചോര്ച്ച പരിഹരിക്കാനുള്ള ജോലികള് ഈ മാസം 22 ന് തുടങ്ങും. ഓണത്തിന് നട തുറക്കുന്നതിന് മുമ്പ് പൂര്ത്തിയാക്കും. വിഷുമാസ പൂജകൾക്ക് നട തുറന്നപ്പോൾ തന്നെ ശ്രീകോവിലിൻ്റെ മുന്നിലെ ദ്വാരപാലക ശില്പങ്ങളിലേക്ക് വെള്ളം വീഴുന്നത് ശ്രദ്ധയിൽ വന്നതാണെന്ന് ദേവസ്വം പ്രസിഡന്റ് കെ അനന്തഗോപൻ തന്നെയാണ് രണ്ടാഴ്ച മുൻപ് പറഞ്ഞത്. ശ്രീകോവിലിന്റെ മുന്നിലെ ദ്വാരപാലക ശില്പങ്ങളിലേക്കാണ് മഴ പെയ്യുമ്പോള് വെള്ളം വീഴുന്നത്. വാസ്തു വിദഗ്ധനും ദേവസ്വം ബോര്ഡിലെ റിട്ട. മൂത്താശാരിയുമായ പാലാ സ്വദേശി എം കെ രാജു, ശില്പി പഴനി ആചാരി എന്നിവരുടെ നേതൃത്വത്തിലാണ് പരിശോധന നടത്തുന്നത്.
