തിരുവനന്തപുരം: അരുണാചലില് ജീവനൊടുക്കിയ മലയാളികള്ക്ക് വിചിത്ര വിശ്വാസങ്ങള് എന്ന് തെളിയിക്കുന്ന രേഖകള് പുറത്ത്. ആര്യയുടെ ലാപ്ടോപ്പിലാണ് വിചിത്രവിശ്വാസങ്ങളുടെ രേഖയുള്ളത്. ദിനോസറുകള്ക്ക് വംശനാശം വന്നില്ലെന്നതുമുതല് മനുഷ്യന്റെ ഭാവിയെ കുറിച്ചുവരെ ഇതില് പറയുന്നു. ദിനോസറിനെ മറ്റ് ഗ്രഹങ്ങളിലേക്ക് മാറ്റിയതാണെന്നും ഭൂമിയിലെ 90 ശതമാനം മനുഷ്യരെയും മൃഗങ്ങളെയും രണ്ട് ഗ്രഹങ്ങളിലേക്ക് കൊണ്ടുപോകുമെന്നുമാണ് ഇവരുടെ വിശ്വാസം. ആന്ഡ്രോമീഡ ഗാലക്സിയില് നിന്നുളള ‘മിതി’ എന്ന സാങ്കല്പ്പിക കഥാപാത്രവുമായാണ് സംഭാഷണം. വിചിത്രവിശ്വാസങ്ങളടങ്ങിയ 466 പേജുകളുടെ പകര്പ്പാണ് പുറത്തുവന്നത്.
മൂവരും വിചിത്ര വിശ്വാസങ്ങളിലേക്ക് എത്തിയത് എങ്ങനെയെന്ന് പൊലീസ് പരിശോധിക്കും. ഇവരുടെ മുറിയില്നിന്ന് കണ്ടെടുത്ത ലാപ്ടോപ്പുകളും മൊബൈല് ഫോണുകളും പരിശോധനയ്ക്ക് അയയ്ക്കും. മരിച്ച നവീന് തോമസും ഭാര്യ ദേവിയും സുഹൃത്ത് ആര്യയും തമ്മില് ഇമെയില് വഴി നടത്തിയ ആശയവിനിമയവും രഹസ്യഭാഷയിലൂടെയാണെന്നു പൊലീസ് പറയുന്നു.
