തിരുവനന്തപുരം: കേരളത്തില് ഇന്നുമുതല് ഓഗസ്റ്റ് എട്ട് വരെ ഒറ്റപ്പെട്ടയിടങ്ങളില് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. ശക്തമായ കാറ്റില് മരങ്ങള് കടപുഴകാനും ചില്ലകള് ഒടിഞ്ഞുവീഴാനും സാധ്യതയുള്ളതിനാല് കാറ്റും മഴയുമുള്ളപ്പോള് മരങ്ങളുടെ ചുവട്ടില് നില്ക്കാനോ വാഹനങ്ങള് പാര്ക്ക് ചെയ്യാനോ പാടില്ലെന്നും, അപകടകരമായ മരച്ചില്ലകള് വെട്ടിയൊതുക്കണമെന്നും സംസ്ഥാന ദുരന്ത നിവാരണ അതോറിറ്റി നിര്ദേശിച്ചു. വൈദ്യുതി പോസ്റ്റുകളും കമ്പികളും പൊട്ടി വീഴാന് സാധ്യതയുള്ളതിനാല് പൊതുജനങ്ങള് നേരിട്ട് അറ്റകുറ്റപ്പണികള് നടത്തരുതെന്നും, അപകടങ്ങള് ശ്രദ്ധയില്പെട്ടാല് ഉടന് തന്നെ കെ എസ് ഇ ബിയുടെ 1912 എന്ന നമ്പറിലോ 1077 എന്ന ജില്ലാ ദുരന്ത നിവാരണ അതോറിറ്റിയുടെ കണ്ട്രോള് റൂമിലോ വിവരമറിയിക്കണമെന്നും, പത്രം, പാല് വിതരണക്കാരും നിര്മാണ തൊഴിലാളികളും പ്രത്യേക ജാഗ്രത പാലിക്കണമെന്നും അധികൃതര് അറിയിച്ചു
