കുന്ദമംഗലം: വ്യായാമ രഹിതമായ ജീവിതവും ഫാസ്റ്റ് ഫുഡ് ഭക്ഷണങ്ങളുടെ പിറകെയുള്ള മത്സരിച്ചോട്ടവും യുവാക്കളെ പോലും ജീവിതശൈലി രോഗങ്ങള്ക്ക് അടിമകളാക്കുകയാണെന്നും ഈ സാഹചര്യത്തില് ഇളം തലമുറയെ ശക്തമായി ബോധവല്ക്കരിക്കുന്നതിനുവേണ്ടി പാഠ്യപുസ്തകത്തില് ഈ വിഷയത്തെക്കുറിച്ചുള്ള പാഠങ്ങള് ഉള്പ്പെടുത്തണമെന്ന് യുസി രാമന് പറഞ്ഞു.
കുന്ദമംഗലം നൊച്ചിപ്പോയില് സൗഹൃദം അയല്പക്ക വേദി മലബാര് ഗോള്ഡിന്റെയും ഇഖ്റ ആശുപത്രിയുടെയും സഹകരണത്തോടുകൂടി സംഘടിപ്പിച്ച കിഡ്നി രോഗനിര്ണയ ക്യാമ്പ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം . പാറപ്പുറത്ത് രാജന് അധ്യക്ഷത വഹിച്ച ചടങ്ങില് ഡോക്ടര് ദര്ശന , ശശിധരന് മാസ്റ്റര്, എംകെ പ്രേമാനന്ദന് ,കെ ബഷീര് , സി. രാധാകൃഷ്ണന് എന്നിവര് സംസാരിച്ചു.
