കുന്ദമംഗലം ഗ്രാമ പഞ്ചായത്ത് ജൽ ജീവൻ മിഷൻ പദ്ധതിയുടെ ഭാഗമായി പദ്ധതി നിർവഹണ സഹായ ഏജൻസിയായ ശ്രേയസ് ബത്തിരുടെ നേതൃത്വത്തിൽ കുന്ദമംലം ഹൈ സ്കൂളിൽ ജല ശ്രീ ക്ലബ് രൂപീകരിച്ചു. സ്കൂൾ പി. ടി. എ പ്രസിഡന്റ് ശ്രീ ജയപ്രകാശൻ അധ്യക്ഷത വഹിച്ച പരിപാടി പഞ്ചായത്ത് വൈസ് പ്രസിഡന്റ് ശ്രീ വി അനിൽ കുമാർ ഉത്ഘാടനം ചെയ്തു. ഡെപ്യൂട്ടി ഹെഡ് മാസ്റ്റർ ശ്രീ പ്രവീൺ മാസ്റ്റർ ക്ലബ് രൂപീകരണ പ്രഖ്യാപനം നടത്തി . വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീ ചന്ദ്രൻ തെരുവലത്ത് ,സ്കൂൾ പ്രിൻസിപ്പാൾ ശ്രീമതി. ഒ. കല , പി ടി. എ വൈസ് പ്രസിഡന്റ് ശ്രീ സക്കീർ ഹുസൈൻ, ശ്രീമതി ശോഭ, ശ്രീമതി ലീന എന്നിവർ ആശംസകൾ അറിയിച്ചു. ജൽ ജീവൻ മിഷൻ കുന്ദമംഗലം ഗ്രാമ പഞ്ചായത്ത് ടീം ലീഡർ ശ്രീ ആഷ്ലിൻ ജോ ആന്റണി വിഷയാവതരണം നടത്തി. കമ്മ്യൂണിറ്റി ഓർഗാനൈസർ അഭിരാമി നന്ദി അറിയിച്ചു.
