ലോക വനിതാ ദിനത്തോടനുബന്ധിച്ച് കേരള വ്യാപാരി വ്യവസായി ഏകോപന സമിതി കുന്ദമംഗലം യൂണിറ്റ് വനിത പോലിസ് ഓഫീസർമാരെ പൊന്നാട നൽകി ആദരിച്ചു. വനിതാ വിംഗ് പ്രവർത്തകർ കുന്ദമംഗലം പോലീസ് സ്റ്റേഷനിലെ വനിതാ പോലീസ് ഓഫീസർമാരായ എ എസ് ഐ ലീന, വനിതാ സിപിഒ റൂബി എന്നിവരെ വനിതാ വിംഗ് യൂണിറ്റ് പ്രസിഡന്റ് കെ മഹിതയാണ് പൊന്നാട അണിയിച്ച് ആദരിച്ചത്. കുന്ദമംഗലം ഐ പി ശ്രീകുമാർ, എസ് ഐ ബാബുരാജൻ, സിപിഒ ശ്രീരാജ്, ജനമൈത്രി പോലീസ് ഓഫീസർമാർ, വ്യാപാരി വ്യവസായി ഏകോപന സമിതി കോഴിക്കോട് ജില്ലാ സെക്രട്ടറിയും, യൂണിറ്റ് പ്രസിഡന്റും കൂടിയായ എം ബാബുമോൻ കുന്ദമംഗലം യൂണിറ്റിലെ വനിതാ വിംഗ് പ്രവർത്തക സമിതി അംഗങ്ങളും പ്രസ്തുത ചടങ്ങിൽ പങ്കെടുത്ത് ആശംസകൾ അറിയിച്ച് സംസാരിച്ചു.
