കൊല്ലം: ‘കേരള സ്റ്റോറി’ ആര്‍.എസ്.എസ് അജണ്ടയാണെന്ന് മുഖ്യമന്ത്രി പിണറായി വിജയന്‍. ‘കേരളത്തില്‍ എവിടെയാണ് ‘കേരള സ്റ്റോറി’യില്‍ പറയുന്ന കാര്യങ്ങള്‍ സംഭവിച്ചിട്ടുള്ളത്. ഒരു നാടിനെ അപകീര്‍ത്തിപ്പെടുത്താന്‍ പച്ച നുണ പ്രചരിപ്പിക്കുന്നു. രാഷ്ട്രീയ ഉദ്ദേശ്യത്തോടെ കൊണ്ടുവന്നതാണ് ‘കേരള സ്റ്റോറി’. സിനിമ പ്രദര്‍ശിപ്പിച്ചതില്‍ പ്രത്യേക ഉദ്ദേശ്യമുണ്ടെന്നും മുഖ്യമന്ത്രി കൊല്ലത്ത് വാര്‍ത്താസമ്മേളനത്തില്‍ പറഞ്ഞു.
രാജ്യത്തെ ന്യൂനപക്ഷത്തില്‍ പ്രബലരെ ഇല്ലാതാക്കുകയാണ് അവരുടെ ശ്രമം. മുസ്‌ലിം, ക്രിസ്ത്യന്‍, കമ്മ്യൂണിസ്റ്റ് എന്നിവരെയാണ് ശത്രുക്കളായി കാണുന്നത്. ഹിറ്റ്ലര്‍ ജര്‍മനിയില്‍ നടപ്പാക്കിയത് ആര്‍.എസ്.എസ് അതുപോലെ രാജ്യത്ത് നടപ്പാക്കുന്നു. ഓരോ ഘട്ടത്തില്‍ ഓരോ വിഭാഗത്തിന് നേരെ തിരിയുന്നു, മണിപ്പൂരില്‍ അതാണ് കണ്ടത്’. മുഖ്യമന്ത്രി പറഞ്ഞു.
