മലയാളത്തിലെ ആദ്യ സിനിമയായ വിഗതകുമാരനിലെ ആദ്യ നായികയായ പി.കെ റോസിയ്ക്ക് ആദരമര്പ്പിച്ച് ഗൂഗിള് ഡൂഡിൽ.1928 നവംബര് 7-നായിരുന്നു തിരുവനന്തപുരം ക്യാപ്പിറ്റോള് തിയ്യേറ്ററില് വിഗതകുമാരന്റെ ആദ്യ പ്രദര്ശനം. അഭിഭാഷകന് മുള്ളൂര് ഗോവിന്ദപിള്ളയാണ് ആദ്യ പ്രദര്ശനം ഉദ്ഘാടനം ചെയ്തത്.പി.കെ റോസിയുടെ 120-ാം ജന്മവാര്ഷികത്തോട് അനുബന്ധിച്ചാണ് ഗൂഗിൾ ഇപ്പോൾ ആദരം നൽകിയിരിക്കുന്നത്.1903 ഫെബ്രുവരി 10 ന് തിരുവനന്തപുരത്താണ് റോസി ജനിച്ചത്. ജെ.സി ഡാനിയേല് സംവിധാനം ചെയ്ത വിഗതകുമാരനില് സരോജം എന്ന കഥാപാത്രത്തെയാണ് പി.കെ റോസി അവതരിപ്പിച്ചത്.സ്ത്രീകൾ പൊതുരംഗത്ത് കടന്നുവരാത്ത കാലത്ത് സധൈര്യം മലയാള സിനിമാ ലോകത്തേയ്ക്ക് മുന്നോട്ടുവന്ന സ്ത്രീയാണ് പി. കെ. റോസി. സവര്ണ്ണ കഥാപാത്രത്തെ കീഴ് ജാതിക്കാരി അഭിനയിച്ചു ഫലിപ്പിച്ചു എന്നാക്ഷേപിച്ച് തിയറ്ററില് റോസിയുടെ ചിത്രം കടന്നുവന്നപ്പോഴൊക്കെ കാണികള് കൂവിയും ചെരിപ്പ് വലിച്ചെറിഞ്ഞുമാണ് എതിരേറ്റത്. വെള്ളിത്തിര കുത്തിക്കീറുകയും ചെയ്തു. തിരുവനന്തപുരം ചാല കമ്പോളത്തില് വച്ച് പരസ്യമായി റോസിയെ വസ്ത്രാക്ഷേപം ചെയ്യുക വരെയുണ്ടായി എന്ന് ചരിത്രം പറയുന്നു. വിഗതകുമാരന്റെ പേരില് റോസി നാടു കടത്തപ്പെടുകയും ചെയ്തു.
