പാലക്കാട്: കെ എസ് ആര് ടി സിയിലെ സ്ത്രീകളുടെ സൗജന്യ യാത്ര സ്വകാര്യ ബസ് മേഖലയെ കടുത്ത പ്രതിസന്ധിയിലാക്കുമെന്ന് ബസ് ഓപ്പറേറ്റേഴ്സ് അസോസിയേഷന് സംസ്ഥാന ജനറല് സെക്രട്ടറി ടി ഗോപിനാഥന്. സര്ക്കാര് ഈ സൗജന്യ സര്വീസ് പ്രഖ്യാപിച്ചപ്പോള് സ്വകാര്യ മേഖല നേരിടാനിടയുള്ള വലിയ പ്രതിസന്ധികളെക്കുറിച്ച് ചര്ച്ച ചെയ്യാന് പോലും തയ്യാറായില്ല. സ്വകാര്യ ബസ് മേഖലയെ പൂര്ണ്ണമായും അവഗണിക്കുന്ന നിലപാടാണ് സര്ക്കാരിന്റെ ഭാഗത്തുനിന്നും ഉണ്ടായത്. പ്രതിസന്ധി ഇതേപടി തുടര്ന്നാല് സംസ്ഥാനത്തെ സ്വകാര്യ ബസ് സര്വീസുകള് പൂര്ണ്ണമായി നിലയ്ക്കുന്ന സാഹചര്യമാണ് ഉള്ളതെന്നും അദ്ദേഹം ചൂണ്ടിക്കാട്ടി. വിഷയത്തില് തുടര്നടപടികള് ആലോചിക്കുന്നതിനായി നാളെ തൃശൂരില് ബസ് ഉടമകളുടെ അടിയന്തര സംസ്ഥാന സമിതി യോഗം ചേരുമെന്നും ടി ഗോപിനാഥന് അറിയിച്ചു.
