ന്യൂഡല്ഹി: മാധ്യമപ്രവര്ത്തകരോട് ക്ഷുഭിതനായി പ്രതിപക്ഷ നേതാവ് പിണറായി വിജയന്. എന്തെങ്കിലും പറയാനുണ്ടെങ്കില് ഞാന് പറയുമെന്നും നിങ്ങള് ഇവിടെ ഈ വടിയും പിടിച്ചു നില്ക്കേണ്ടതില്ല എന്നുമാണ് പിണറായി പറഞ്ഞത്. ദില്ലിയിലെ കേന്ദ്ര കമ്മറ്റി യോഗത്തില് പങ്കെടുത്ത് കേരള ഹൗസില് എത്തിയപ്പോള് ആയിരുന്നു പ്രതികരണം. വിഴിഞ്ഞം ഓഹരി കൈമാറ്റത്തില് സിപിഎമ്മിലെ ഭിന്നാഭിപ്രായങ്ങളില് പിണറായി വിജയന് കടുത്ത അതൃപ്തിയിലെന്നാണ് റിപ്പോര്ട്ട്. പിണറായിയുടെ അതൃപ്തിയിലും ഇപി ജയരാജനും കെകെ ശൈലജയും പികെ ശ്രീമതിയും നിലപാടില് മാറ്റമില്ലാതെ തുടരുകയാണ്. അതിനിടെ, കണ്ണൂര് ജില്ലാ സെക്രട്ടറി കെകെ രാഗേഷിന് പിന്തുണ ആവര്ത്തിച്ച് എംവി ഗോവിന്ദന് രംഗത്തെത്തി. ഇന്ന് എകെ ബാലനും തോമസ് ഐസകും രാഗേഷിന്റെ നിലപാടിനെ പിന്തുണയ്ക്കുകയാണ് ചെയ്തത്. ഇത്തരം വിഷയങ്ങള് നിലനില്ക്കെയാണ് പ്രതിപക്ഷ നേതാവ് മാധ്യമങ്ങളോട് ഇത്തരത്തില് പ്രതികരിച്ചത്.
