യുവ നടിയുടെ ആത്മഹത്യാ ശ്രമത്തിൽ പുതിയ റിപ്പോർട്ടുകൾ. താൻ ആത്മഹത്യക്ക് ശ്രമിച്ചതല്ലെന്നും അമിതമായ അളവിൽ ഉറക്കഗുളിക കഴിച്ചതിനെ തുടർന്നാണ് ആശുപത്രിയിൽ എത്തിയതെന്നും ഇവർ പറഞ്ഞതായാണ് പുതിയ റിപ്പോർട്ടുകൾ ഉള്ളത്. ഉറങ്ങാനായി കഴിച്ച ഗുളികയുടെ ഡോസ് അധികമായിപ്പോയതാണെന്നാണ് നടിയുടെ ഭാഷ്യമെന്നാണ് പോലീസ് നൽകുന്ന വിവരം.
ചൊവ്വാഴ്ചയാണ് ഉറക്കഗുളിക കഴിച്ച് അവശയായ നടിയെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചത്. ഇവർ അപകടനില തരണംചെയ്തിട്ടുണ്ട്.
നടി ആക്രമിക്കപ്പെട്ട കേസിൽ പുതിയ സംഭവവികാസങ്ങൾ മൂലമാണ് ഇവർ ആത്മഹത്യക്ക് ശ്രമിച്ചതെന്ന് സമൂഹ മാധ്യമങ്ങളിൽ അഭ്യൂഹമുണ്ട്. കേസിൽ കൂറുമാറിയവരുടെ സാമ്പത്തിക ഇടപാടുകൾ പരിശോധിക്കുമെന്ന് അന്വേഷണസംഘം കഴിഞ്ഞ ദിവസം വ്യക്തമാക്കിയിരുന്നു.
