ലോകത്തിലെ ഏറ്റവും ധനികരായ നടന്മാരുടെ പട്ടികയില് ഷാരൂഖ് ഖാനും.കഴിഞ്ഞ ഞായറാഴ്ച വേള്ഡ് ഓഫ് സ്റ്റാറ്റിസ്റ്റിക്സ് പുറത്തുവിട്ട പട്ടികയിലാണ് ധനികരായ അഞ്ച് നടന്മാരുടെ പട്ടികയില് താരം നാലാം സ്ഥാനം നേടിയത്.വേള്ഡ് ഓഫ് സ്റ്റാറ്റിസ്റ്റിക്സ് പുറത്ത് വിട്ട കണക്ക് പ്രകാരം 770 മില്ല്യണ് ഡോളറാണ് ഷാരൂഖിന്റെ ആസ്തി. താരത്തിന്റെ മുംബൈയിലെ വസതിയായ മന്നത്തിന്റെ വില 200 കോടി രൂപയാണ്. ഇതിന് പുറമെ ഷാരൂഖ് ഉപയോഗിക്കുന്ന ആഡംബര വാനിറ്റി വാന് അഞ്ചു കോടി രൂപയുടേതാണ്.അമേരിക്കന് സ്റ്റാന്ഡ് അപ്പ് കൊമേഡിയനും നടനുമായ ജെറി സിന്ഫെല്ഡാണ് ഒരു ബില്ല്യണ് ആസ്തിയുമായി പട്ടികയില് ഒന്നാം സ്ഥാനത്ത്. ഒരു ബില്ല്യണ് ഡോളറോളം ആസ്തിയുള്ള ടൈലര് പെറിയും 800 മില്ല്യണ് ഡോളര് ആസ്തിയുള്ള ഡ്വെയ്ന് ജോണ്സണുമാണ് ഷാരൂഖിന് മുന്നിലുള്ള മറ്റു താരങ്ങള്. 620 മില്ല്യണ് ഡോളറാണ് ടോം ക്രൂസിന്റെ ആസ്തി.
