കുഞ്ചാക്കോ ബോബനെ നായകനാക്കി, ആന്ഡ്രോയിഡ് കുഞ്ഞപ്പൻ,കനകം കാമിനി കലഹം എന്നി ചിത്രങ്ങൾക്കു ശേഷം രതീഷ് ബാലകൃഷ്ണ പൊതുവാള് തിരക്കഥയെഴുതി സംവിധാനം ചെയ്യുന്ന ‘ന്നാ താന് കേസ് കൊട്’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ റിലീസ് ആയി. കൊഴുമ്മൽ രാജീവൻ അല്ലെങ്കിൽ അംബാസ് രാജീവൻ എന്നാണ് ചാക്കോച്ചന്റെ കഥാപാത്രത്തിൻറെ പേര്.
‘നടുവിലെ കൊഞ്ചം പക്കത്തെ കാണോം’, ‘സൂപ്പര് ഡീലക്സ്’എന്നീ തമിഴ് ചിത്രങ്ങളില് അഭിനയിച്ച ഗായത്രി ശങ്കർ ആദ്യമായി അഭിനയിക്കുന്ന മലയാള ചിത്രമാണ് ന്നാ താന് കേസ് കൊട്.
സന്തോഷ് ടി. കുരുവിള നിര്മ്മിക്കുന്ന ഈ ചിത്രത്തിന്റെ ഛായാഗ്രാഹണം ഷെര്നി എന്ന ഹിന്ദി ചിത്രത്തിന് ഛായാഗ്രാഹണം നിർവഹിച്ച രാകേഷ് ഹരിദാസാണ്. . പ്രൊഡക്ഷന് ഡിസൈനര്- ജ്യോതിഷ് ശങ്കർ,പ്രൊഡക്ഷന് കണ്ട്രോളർ-ബെന്നി കട്ടപ്പന.
