കൊച്ചി: മട്ടന്നൂര് ഷുഹൈബ് വധക്കേസില് വിചാരണ സ്റ്റേ ഒരാഴ്ച കൂടി നീട്ടി ഹൈക്കോടതി. കൊല്ലപ്പെട്ട ഷുഹൈബിന്റെ പിതാവിനെ കേസില് കക്ഷി ചേര്ത്തു. ആകാശ് തില്ലങ്കേരിയടക്കമുള്ള പ്രതികള് സമര്പ്പിച്ച ഹരജിയിലാണ് കോടതി നടപടി.
വിചാരണ നടപടികള് തിങ്കളാഴ്ച വരെയായിരുന്നു സ്റ്റേ ചെയ്തത്. പക്ഷപാതമായി പെരുമാറുന്നു, മുന്വിധിയോടെ സംസാരിക്കുന്നു എന്നുള്പ്പെടെ വിചാരണ കോടതിക്കെതിരെ പ്രതികള് ഹരജിയില് ആരോപങ്ങള് ഉന്നയിച്ചിരുന്നു.
വിചാരണക്കോടതി മാറ്റണമെന്ന പ്രതിഭാഗം ഹരജി നേരത്തെ അഡീഷണല് സെഷന്സ് കോടതി നേരത്തെ തള്ളിയിരുന്നു. വിചാരണക്കോടതി മാറ്റണമെന്നാവശ്യപ്പെട്ട് ഇതേ കോടതിയില് ആദ്യം ഹരജി നല്കിയെങ്കിലും സത്യവാങ്മൂലം നല്കാത്തതിനാല് തള്ളുകയായിരുന്നു.
