ഹാരിപോട്ടര് സിനിമകളിലൂടെ ശ്രദ്ധേയനായ സ്കോട്ടിഷ് താരം റോബി കോള്ട്രേയ്ന് (72) അന്തരിച്ചു.സ്കോട്ട്ലാന്ഡിലെ ഫോര്ത്ത് വാലി റോയല് ആശുപത്രിയിലായിരുന്നു അന്ത്യമെന്നാണ് അദ്ദേഹത്തിന്റെ ഏജന്റ് വിശദമാക്കുന്നത്. എന്നാല് മരണകാരണം പുറത്തുവിട്ടിട്ടില്ല.1990ല് ടെലിവിഷന് സീരീസ് ആയ ക്രാക്കറിലെ മനോരോഗ വിദഗ്ധനായാണ് അഭിനയ രംഗത്ത് റോബി പ്രശസ്തനായത്. ഈ കഥാപാത്രത്തിന് മികച്ച അഭിനേതാവിനുള്ള ബ്രിട്ടീഷ് അക്കാദമി ടെലിവിഷന് അവാര്ഡും റോബി നേടിയിട്ടുണ്ട്. ജെ കെ റൌളിംഗിന്റെ ഹാരി പോര്ട്ടറിലെ ഹാഗ്രിഡ് എന്ന കഥാപാത്രവും അദ്ദേഹത്തിന്റെ അഭിനയ മികവിന് തെളിവായിരുന്നു.2001 മുതല് 2011 വരെ പുറത്തിറങ്ങിയ എട്ടു ഹാരി പോട്ടര് ചിത്രങ്ങളുടെയും ഭാഗമായി അദ്ദേഹം.
