കെജിഎഫിനു ശേഷം പ്രശാന്ത് നീല് തിരക്കഥയെഴുതി സംവിധാനം ചെയ്യുന്ന ചിത്രമാണ് സലാർ.ഇതുവരെ കന്നഡത്തില് മാത്രം സിനിമകള് ഒരുക്കിയിട്ടുള്ള പ്രശാന്ത് ആദ്യമായി തെലുങ്കില് സംവിധാനം ചെയ്യുന്ന ചിത്രമാണിത്. പ്രഭാസ് നായകനാവുന്ന ചിത്രത്തില് പൃഥ്വിരാജ് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.ഇപ്പോൾ പൃഥ്വിരാജിന്റെ പിറന്നാൾ ദിനമായ ഇന്ന് സലാറിലെ പൃഥ്വിരാജിന്റെ കാരക്ടര് പോസ്റ്റര് പുറത്ത് വിട്ടിരിക്കുകയാണ് അണിയറ പ്രവർത്തകർ.കെ.ജി. എഫിന്റെ നിര്മ്മാതാക്കളായ ഹോംബാലെ ഫിലിംസാണ് ചിത്രം നിര്മിക്കുന്നത്..ജന്മദിനാശംസകള് അറിയിച്ചുകൊണ്ടാണ്പോസ്റ്റര് റിലീസ് ചെയ്തിരിക്കുന്നത്.വരദരാജ മന്നാർ എന്ന കഥാപാത്രമായാണ് പൃഥ്വി എത്തുന്നത്. മൂക്ക് കുത്തി, മുഖത്ത് മുറിപ്പാടുകളോടെയുള്ള പരുക്കൻ ലുക്കിലാണ് താരം. കഴുത്തിൽ കട്ടിയുള്ള പ്രത്യേക ആഭരണവും ധരിച്ചിട്ടുണ്ട്.ഭുവന് ഗൗഡ ഛായാഗ്രഹണം നിര്വഹിക്കുന്ന സിനിമയില് രവി ബസ്റൂര് ആണ് സംഗീത സംവിധാനം. കോവിഡ് കാരണം ചിത്രീകരണം പൂര്ത്തിയാക്കാന് തടസ്സം നേരിട്ട സിനിമയുടെ റിലീസ് ഡേറ്റ് നീട്ടി വെക്കുകയായിരുന്നു. 28 സെപ്റ്റംബര് 2023 -ാണ് പുതിയ റിലീസ് തീയതി.ഡാര്ക്ക് സെന്ട്രിക്ക് തീം ടെക്നോളജി ഉപയോഗിക്കുന്ന സിനിമ കൂടിയാണ് സലാര്. കന്നട, തെലുങ്ക് എന്നീ ഭാഷകളിലാണ് ചിത്രം ഷൂട്ട് ചെയ്യുന്നത്. അതോടൊപ്പം മലയാളം, ഹിന്ദി, തമിഴ് എന്നീ ഭാഷകളിലേക്ക് ചിത്രം ഡബ്ബ് ചെയ്യുകയും ചെയ്യും.
