വാഷിങ്ടണ്: അമേരിക്ക – ഇറാന് സമാധാന കരാര് യാഥാര്ത്ഥ്യമായെന്ന് ഔദ്യോഗികമായി സ്ഥിരീകരിച്ച് അമേരിക്കന് പ്രസിഡന്റ് ഡൊണാള്ഡ് ട്രംപ്. ഫ്രാന്സില് വച്ച് കരാറില് ഒപ്പുവെച്ചെന്നാണ് പ്രതികരണം. ഇതൊരു താല്ക്കാലിക ധാരണ മാത്രമാണെന്നും ഇറാന് കൃത്യമായി പെരുമാറിയില്ലെങ്കില് വീണ്ടും ആക്രമണം നടത്തുമെന്നും ട്രംപ് ഇന്നലെ മുന്നറിയിപ്പ് നല്കിയിരുന്നു.
വേഴ്സായ് കൊട്ടരത്തില് വച്ചാണ് ജി7 ഉച്ചക്കോടിയില് പങ്കെടുക്കാനെത്തിയ ട്രംപ് ധാരണാപത്രത്തില് ഒപ്പുവച്ചത്. ഫ്രഞ്ച് പ്രസിഡന്റ് ഇമ്മാനുവല് മാക്രോണ് ഒരുക്കിയ അത്താഴ വിരുന്നില് പങ്കെടുക്കുമ്പോഴാണ് കരാര് ഒപ്പിട്ടതായി ട്രംപ് തന്നെ മാധ്യമപ്രവര്ത്തകരോട് വ്യക്തമാക്കിയത്. അതേസമയം ഇതേ കരാറില് ഇറാന് പ്രസിഡന്റ് മസൂദ് പെസഷ്ക്കിയാനും ഒപ്പുവച്ചതായി ഇറാന്റെ ഔദ്യോഗിക മാധ്യമം പങ്കുവച്ച ചിത്രങ്ങളില് നിന്നും വ്യക്തമാകുന്നുണ്ട്. ഫ്രാന്സില് വച്ച് കരാര് ഒപ്പുവയ്ക്കുന്നതിന്റെ ചിത്രങ്ങള് ഇറാനിലേക്ക് യുഎസ് അയച്ചുനല്കിയതായി യുഎസ് അധികൃതര് വ്യക്തമാക്കി.
