പേരൂര്ക്കടയില് പങ്കാളിയെ നടുറോഡിൽ വെട്ടിക്കൊന്ന കേസിലെ പ്രതി ജയിലില് തൂങ്ങിമരിച്ച നിലയില്.പുലർച്ചെ രണ്ടു മണിയോടെ സെല്ലിലെ ശുചിമുറിയിലാണ് പ്രതി രാജേഷിനെ തൂങ്ങിമരിച്ച നിലയിൽ കണ്ടത്.ഇന്ന് പുലർച്ചെയാണ് സംഭവം. ഡിസംബര് 15ന് തിരുവനന്തപുരം പേരൂര്ക്കടയ്ക്ക് സമീപം വഴയിലയില് നടുറോഡില് വച്ചാണ് നന്ദിയോട് സ്വദേശി സിന്ധുവിനെ രാജേഷ് വെട്ടിക്കൊലപ്പെടുത്തിയത്.കഴുത്തിനും തലക്കും വെട്ടേറ്റ് റോഡിൽ കിടന്ന് പിടഞ്ഞ സിന്ധുവിനെ നാട്ടുകാരും പൊലീസും ചേര്ന്ന് മെഡിക്കൽ കോളേജ് ആശുപത്രിയിലാക്കിയെങ്കിലും ജീവന് രക്ഷിക്കാനായില്ല. രണ്ട് പേരും മുൻപ് വിവാഹിതരാണ് കുട്ടികളും ഉണ്ട്. 12 വര്ഷമായി ഒരുമിച്ച് കഴിയുകയായിരുന്നു. പരിക്കേറ്റ സിന്ധുവിനെ നാട്ടുകാർ മെഡിക്കല് കോളജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.സിന്ധു അകന്ന് പോകുന്നു എന്ന സംശമാണ് കൊലക്ക് കാരണമെന്നാണ് പ്രതി നൽകിയ മൊഴി.
