കോഴിക്കോട്: വടകരയിലെ ‘കാഫിര്’ സ്ക്രീന്ഷോട്ട് വിവാദത്തില് സി.പി.എമ്മിനെ വീണ്ടും വെല്ലുവിളിച്ച് മുസ്ലിം യൂത്ത് ലീഗ്.
‘കാഫിര്’ സ്ക്രീന്ഷോട്ട് എം.എസ്.എഫ് കോഴിക്കോട് ജില്ലാ സെക്രട്ടറി പി.കെ മുഹമ്മദ് ഖാസിമിന്റെതാണ് എന്ന് തെളിയിക്കുന്നവര്ക്ക് മുസ്ലിം യൂത്ത് ലീഗ് തിരുവള്ളൂര് പഞ്ചായത്ത് കമ്മറ്റി പ്രഖ്യാപിച്ച 10 ലക്ഷം രൂപ കൈപ്പറ്റാന് ഇത് വരെ ഒരാളും എത്തിയിട്ടില്ല.
തങ്ങള് പ്രഖ്യാപിച്ച ഇനാം ഇപ്പോഴും നിലവിലുണ്ടെന്നും ധൈര്യമുള്ളവര്ക്ക് മുന്നോട്ടുവരാമെന്നും യൂത്ത് ലീഗ് തിരുവള്ളൂര് പഞ്ചായത്ത് കമ്മിറ്റിയുടെ പേരില് പുറത്തിറക്കിയ ഫേസ്ബുക്ക് പോസ്റ്ററില് പറയുന്നു.
കാഫിര് സ്ക്രീന്ഷോട്ട് നിര്മിച്ചത് ഡി.വൈ.എഫ്.ഐ വടകര ബ്ലോക്ക് പ്രസിഡന്റ് റിബേഷ് രാമകൃഷ്ണന് ആണെന്ന് തെളിയിക്കുന്നവര്ക്ക് 25 ലക്ഷം രൂപ സമ്മാനം പ്രഖ്യാപിച്ച് ഡി.വൈ.എഫ്.ഐ വടകര ബ്ലോക്ക് കമ്മിറ്റി രംഗത്തെത്തിയതിന് പിന്നാലെയാണ് യൂത്ത് ലീഗ് പോസ്റ്റര്.
