സംസ്ഥാനത്ത് കൊവിഡ് പശ്ചാത്തലത്തിൽ അടഞ്ഞുകിടന്ന തീയേറ്ററുകളെല്ലാം തിങ്കളാഴ്ച മുതൽ തുറക്കും. തീയേറ്റർ തുറക്കുന്നതിന് മുന്നോടിയായി സർക്കാർ ഉടമകളുമായി നടത്തിയ ചർച്ചയിലാണ് തീരുമാനം. സെക്കന്റ് ഷോകൾക്ക്അടക്കം അനുമതി ലഭിച്ചിട്ടുണ്ട്.
നികുതി ഇളവ് ആവശ്യം ബന്ധപ്പെട്ട വകുപ്പുകളുമായും മുഖ്യമന്ത്രിയുമായും ചർച്ച ചെയ്യാം എന്ന് മന്ത്രി സജി ചെറിയാൻ ഉറപ്പ് നൽകിയിട്ടുണ്ട്. തിയേറ്റര് തുറക്കുന്ന പശ്ചാത്തലത്തിൽ ആദ്യ പ്രധാന റിലീസായി എത്തുന്നത് ദുൽഖർ സൽമാൻ ചിത്രമായ കുറുപ്പാണ്. ചിത്രം ഒ.ടി.ടി റിലീസ് ആയിരിക്കുമെന്ന് നേരത്തെ റിപ്പോര്ട്ടുകള് വന്നിരുന്നു.
നവംബര് 12 ന് ചിത്രം റിലീസ് ചെയ്യുമെന്നാണ് പുറത്തുവരുന്ന റിപ്പോര്ട്ടുകള്. അതേസമയം ചിത്രത്തിന്റെ റിലീസ് തിയതി ഔദ്യോഗികമായി അണിയറ പ്രവര്ത്തകര് പുറത്തുവിട്ടിട്ടില്ല.മന്ത്രി സജി ചെറിയാനുമായി തിയറ്റര് ഉടമകള് നടത്തിയ ചര്ച്ചക്ക് പിന്നാലെയാണ് സിനിമയുടെ റിലീസുമായി ബന്ധപ്പെട്ട വാര്ത്തകള് പുറത്തുവന്നത്.
