കരള്‍ സംബന്ധമായ അസുഖത്തെ തുടര്‍ന്ന് ചികിത്സയിലായിരുന്ന യുവാവ് മരിച്ചു. കലൂര്‍ ദേശാഭിമാനി റോഡ് കല്ലറക്കല്‍ പരേതനായ കെ.വൈ നസീറിന്റെ മകന്‍ ത്വയ്യിബ് കെ നസീര്‍ (26) ആണ് മരിച്ചത്. ത്വയ്യിബിന് കരള്‍ ദാനം ചെയ്ത് ചികിത്സയിലിരിക്കേയാണ് പിതാവായ നസീര്‍ മരണപ്പെട്ടത്. ഇപ്പോള്‍ ചികിത്സയിലിരിക്കെ മകനും മരണപെട്ടു. ത്വയ്യിബിനെ കലൂര്‍ ജുമാ മസ്ജിദ് ഖബര്‍സ്ഥാനില്‍ കബറടക്കി.

കരള്‍ സംബന്ധമായ രോഗത്തെ തുടര്‍ന്നാണ് ത്വയ്യിബിന് കരള്‍മാറ്റ ശസ്ത്രക്രിയക്ക് നിര്‍ദേശിച്ചിരുന്നു. ത്വയ്യിബിനു പിതാവ് കരള്‍ നല്‍കുകയായിരുന്നു. റോബോട്ടിക് ശസ്ത്രക്രിയക്കിടെ നസീറിന്റെ ഹൃദയത്തിലേക്കുള്ള പ്രധാന ഞരമ്പിന് ക്ഷതമേറ്റിരുന്നു. തുടര്‍ന്ന് തീവ്ര പരിചരണ യൂണിറ്റില്‍ പ്രവേശിച്ചെങ്കിലും മരണം സംഭവിച്ചു.

Leave a Reply

Your email address will not be published. Required fields are marked *