സേലത്ത് പൊലീസിന്റെ ലാത്തി ഉപയോഗിച്ചുള്ള മര്ദനത്തില് ഗുരുതരമായി പരുക്കേറ്റ യുവാവ് മരിച്ചു. എടയപ്പട്ടി സ്വദേശി മുരുകന് (40) ആണ് മരിച്ചത്. കൊവിഡ് നിയന്ത്രണങ്ങള് ലംഘിച്ചെന്നാരോപിച്ചാണ് ലാത്തി കൊണ്ട് കര്ഷകനായ മുരുകനെ പൊലീസ് മര്ദിച്ചത്.
മുരുകനെ പൊതുനിരത്തില് വച്ച് മര്ദിക്കുന്നതിന്റെ ദൃശ്യങ്ങള് സുഹൃത്ത് സമൂഹമാധ്യമങ്ങളില് പങ്കുവച്ചതോടെയാണ് സംഭവം പുറംലോകമറിഞ്ഞത്. ദൃശ്യങ്ങളില് നിന്നും ഇയാള് ബോധരഹിതനാകുന്നത് വരെ മര്ദിച്ചതായി വ്യക്തമാണ്. സംഭവം നടക്കുമ്പോള് മറ്റ് മൂന്ന് പൊലീസുകാരും സ്ഥലത്തുണ്ടായിരുന്നു. ആന്തരിക അവയവങ്ങള്ക്കും പരുക്കേറ്റതായാണ് മെഡിക്കല് റിപ്പോര്ട്ട്. പൊലീസിനെതിരെ നടപടിയെടുക്കണമെന്നാവശ്യപ്പെട്ട് പ്രതിഷേധം ശക്തമാണ്.
