പൃഥ്വിരാജ്- സുരാജ് വെഞ്ഞാറമൂട് എന്നിവർ പ്രധാന കഥാപാത്രങ്ങളെ അവതരിപ്പിച്ച ജന ഗണ മന മലയാളം ബോക്സ് ഓഫീസിൽ ഈ വർഷത്തെ ഏറ്റവും മികച്ച ചിത്രങ്ങളുടെ പട്ടികയിൽ. രാജ്യത്തെ സമകാലിക രാഷ്ട്രീയ, സാമൂഹിക സാഹചര്യങ്ങളെ വിമര്ശനാത്മകമായി സമീപിച്ച ചിത്രം റിലീസായി ഒരു മാസം പിന്നിടുമ്പോൾ 50 കോടി ക്ലബിലെത്തി. 500 മില്യൺ സ്നേഹത്തിന് നന്ദി യെന്ന് ഫേസ്ബുക്കിൽ കുറിച്ചുകൊണ്ട് പൃഥ്വിരാജാണ് ഈ വാർത്ത അറിയിച്ചത്.
റിലീസായി ആദ്യവാരം മുതൽ ചിത്രത്തിന് മികച്ചമൌത്ത് പബ്ലിസിറ്റിയാണ് ലഭിച്ചത്. 2018 ൽ ക്വീന് എന്ന ചിത്രത്തിലൂടെ സംവിധായകനായ ഡിജോ ജോസ് ആന്റണിയുടെ രണ്ടാം ചിത്രമാണ് ജന ഗണ മന. ഷാരിസ് മുഹമ്മദ് രചന നിർവഹിച്ച ചിത്രത്തിന്റെ നിർമാണം പൃഥ്വിരാജ് പ്രൊഡക്ഷന്സിന്റെ ബാനറില് സുപ്രിയ മേനോനും മാജിക് ഫ്രെയിംസിന്റെ ബാനറില് ലിസ്റ്റിന് സ്റ്റീഫനും ചേര്ന്നാണ് നടത്തിയിരിക്കുന്നത്.
തിയറ്ററുകളില് വിജയം നേടിയ ഡ്രൈവിംഗ് ലൈസന്സിനു ശേഷം പൃഥ്വിരാജും സുരാജ് വെഞ്ഞാറമൂടും പ്രധാന കഥാപാത്രങ്ങളെ അവതരിപ്പിക്കുന്ന ചിത്രമാണിത് .
ശ്രീ ദിവ്യ, ധ്രുവന്, ശാരി, ഷമ്മി തിലകന്, രാജ കൃഷ്ണമൂര്ത്തി, പശുപതി, അഴകം പെരുമാള്, ഇളവരശ്, വിനോദ് സാഗര്, വിന്സി അലോഷ്യസ്, മിഥുന്, ഹരി കൃഷ്ണന്, വിജയകുമാര്, വൈഷ്ണവി വേണുഗോപാല്, ചിത്ര അയ്യര്, ബെന്സി മാത്യൂസ്, ധന്യ അനന്യ, നിമിഷ, ദിവ്യ കൃഷ്ണ, ജോസ്കുട്ടി ജേക്കബ്, പ്രസാദ് അരുമനായകം, ശുഭ വെങ്കട്, രാജ് ബാബു തുടങ്ങിയവരാണ് മറ്റ് അഭിനേതാക്കള്.
സഹ നിര്മ്മാണം ജസ്റ്റിന് സ്റ്റീഫന്. അയ്യപ്പനും കോശിയും ക്യാമറയില് പകര്ത്തിയ സുദീപ് ഇളമണ് ആണ് സിനിമാറ്റോഗ്രാഫര്. . എഡിറ്റിംഗും ഡിഐയും ശ്രീജിത്ത് സാരംഗ്, ലൈന് പ്രൊഡ്യൂസര്മാര് ഹാരിസ് ദേശം, സന്തോഷ് കൃഷ്ണന്, എക്സിക്യൂട്ടീവ് പ്രൊഡ്യൂസര് നവീന് പി തോമസ്. ചീഫ് അസോസിയേറ്റ് ഡയറക്ടര് കിരണ് റാഫേല്, കലാസംവിധാനം ദിലീപ്നാഥ്, വസ്ത്രാലങ്കാരം സ്റ്റെഫി സേവ്യര്, മേക്കപ്പ് റോണക്സ് സേവ്യര്, പ്രൊഡക്ഷന് കണ്ട്രോളര് റിന്നി ദിവാകര്, സൗണ്ട് ഡിസൈന് സിങ്ക് സിനിമ, സ്റ്റില്സ് സിനറ്റ് സേവ്യര്, ഡിസൈന് ഓള്ഡ്മങ്ക്സ്.
