പ്രേക്ഷകർ ആകാംഷയോടെ കാത്തിരിക്കുന്ന മോഹൻലാൽ ചിത്രമാണ് മരക്കാർ അറബിക്കടലിന്റെ സിംഹം. ചിത്രം റിലീസാകാൻ ഇനി ഏതാനും ദിവസം മാത്രമേ ബാക്കിയുള്ളൂ. ഇതിനിടെ ഇന്നലെ ചിത്രത്തിന്റെ ടീസർ പുറത്തിറങ്ങി.
24 സെക്കൻഡ് മാത്രമുള്ള ടീസർ യുദ്ധ രംഗങ്ങൾ മാത്രം ഉൾക്കൊള്ളിച്ചുള്ളതാണ്.ടീസർ ആരധകർ ഏറ്റെടുത്ത് കഴിഞ്ഞു. യൂട്യൂബ്ട്രന്ഡിംഗില് ഒന്നാമതാണ് മരക്കാര് ടീസര്.
ആരാധകരെ മാത്രമല്ല ഫേസ്ബുക്കിനെ വരെ ഞെട്ടിച്ചിരിക്കുകയാണ് മരക്കാർ ടീസർ. ചിത്രത്തിന്റെ ടീസര് പങ്കുവച്ച മോഹൻലാലിന്റെ ഔദ്യോഗിക പേജിൽ ഐതിഹാസിക ടീസറെന്ന് കമന്റ് ചെയ്തിരിക്കുകയാണ് ഫേസ്ബുക്ക് ടീം. ഫേസ്ബുക്ക് കമന്റിന് താഴെ ചിത്രത്തെ പ്രകീര്ത്തിച്ചുകൊണ്ടുള്ള വാക്കുകളുമായി ആരാധകരും എത്തിയിട്ടുണ്ട്.
നീണ്ട കാത്തിരിപ്പുകള്ക്ക് ശേഷം ഡിസംബര് 2നാണ് ചിത്രം തിയറ്ററുകളിലെത്തുന്നത്. പ്രിയദര്ശന് കഥയെഴുതി സംവിധാനം ചെയ്ത ചിത്രം ആദ്യം ഒടിടിയിലാണ് റിലീസ് ചെയ്യാന് തീരുമാനിച്ചത്. പിന്നീട് ഒട്ടേറെ ചര്ച്ചകള്ക്ക് ശേഷം തിയറ്ററില് പ്രദര്ശിപ്പിക്കാന് തീരുമാനിക്കുകയായിരുന്നു. അര്ജുന്, സുനില് ഷെട്ടി, പ്രഭു, പ്രണവ് മോഹന്ലാല്,മഞ്ജു വാര്യര്, കീര്ത്തി സുരേഷ്, നെടുമുടി വേണു, ഫാസില്, ഇന്നസെന്റ്,സിദ്ധിഖ്,മാമുക്കോയ തുടങ്ങി വന്താരനിര തന്നെ അണിനിരക്കുന്ന ചിത്രം ആന്റണി പെരുമ്പാവൂരാണ് നിര്മിച്ചിരിക്കുന്നത്.
