റോഡുകളുടെ ശോചനീയാവസ്ഥയില് ഉദ്യോഗസ്ഥരെ വിമർശിച്ച് ഹൈക്കോടതി. നന്നായി റോഡ് പണിയാന് അറിയില്ലെങ്കില് എഞ്ചിനീയര്മാര് രാജിവച്ച് പോകണമെന്നും കഴിവുള്ള ഒട്ടേറെ ആളുകള് പുറത്ത് നില്ക്കുന്നുണ്ടെന്നും ജസ്റ്റിസ് ദേവന് രാമചന്ദ്രന് പറഞ്ഞു. കൊച്ചിയിലെ റോഡുകളുടെ ശോചനീയാവസ്ഥ സംബന്ധിച്ച കേസിലായിരുന്നു പരാമര്ശം
റോഡുകള് മികച്ചതായിരിക്കേണ്ടത് ജനത്തിന്റെ ആവശ്യമാണെന്ന് എന്ത് കൊണ്ടാണ് കരുതാത്തതെന്ന് കോടതി ചോദിച്ചു. കഴിഞ്ഞ വര്ഷം കോടതി ഇടപെട്ട് നേരെയാക്കിയ റോഡുകള് മാസങ്ങള്ക്കകം പഴയ പടിയായി. സംസ്ഥാനത്തെ റോഡ് അറ്റകുറ്റപ്പണികളുടെ വിശദാംശങ്ങള് അറിയിക്കാനും കോടതി നിര്ദേശം നൽകി.
റോഡുമായി ബന്ധപ്പെട്ട വിവിധ വകുപ്പുകള്ക്കാണ് കോടതി നിര്ദേശം നല്കിയത്.കൊച്ചിയിലെ റോഡുകളിലെ അനധികൃത കേബിളുകള് അടിയന്തരമായി നീക്കം ചെയ്യണമെന്നും റോഡുകള് കൃത്യമായി നന്നാക്കിയില്ലെങ്കില് ബന്ധപ്പെട്ട ഉദ്യോഗസ്ഥരെ പ്രതി ചേര്ക്കുമെന്നും കോടതി വ്യക്തമാക്കി.
