കരിപ്പൂർ എയർപോർട്ട് കേന്ദ്രീകരിച്ച് അനധികൃതമായി വിദേശ കറൻസി കൈമാറ്റം ചെയ്യുന്ന 7 അംഗ സംഘം പിടിയിൽ.വർഷങ്ങളായി എയർ പോർട്ട് കേന്ദ്രീകരിച്ച് അനധികൃതമായി വിദേശ കറൻസി കൈമാറ്റം ചെയ്യുന്നവരാണ് ഈ സംഘം .കരിപ്പൂർ സ്വദേശികളായ ബീരാൻ കുട്ടി, രാജേന്ദ്രൻ , കബീർ, അസറുദ്ദീൻ, ബാബുരാജ്, മായിൻ , വീരാൻ കുട്ടി എന്നിവരാണ് പിടിയിലായത്. ഇവരിൽ നിന്നും ഇന്ത്യൻ കറൻസി 9,19,380രൂപ യും വിദേശ കറൻസി 3.8 ലക്ഷത്തോളം രൂപയും പിടികൂടി. രണ്ടാഴ മുൻപ് പ്രത്യേക അന്വേഷണ സംഘം എയർ പോർട്ട് പരിസരത്തു നടത്തിയ പരിശോധനയിൽ അനധികൃതമായി വിദേശ കറൻസി കൈമാറ്റം ചെയ്യുന്ന 5 അംഗ സംഘത്തെ 4 ലക്ഷത്തോളം രൂപയുമായി പിടികൂടിയിരുന്നു. ഇവരെ ചോദ്യം ചെയ്തതിൽ എയർപോർട്ട് കേന്ദ്രീകരിച്ച് 50 ഓളം ആളുകൾ ഇത്തരത്തിൽ പ്രവർത്തിച്ചു വരുന്നതായി വിവരം ലഭിച്ചിട്ടുണ്ട്. ഇവരെ നിരീക്ഷിച്ചു വരികയാണ്.
