ആറ്റിങ്ങലിൽ പിങ്ക് പൊലീസ് ഉദ്യോഗസ്ഥ എട്ട് വയസുകാരിയെയും അച്ഛനെയും പരസ്യ വിചാരണ ചെയ്ത സംഭവത്തിൽ വനിതാ ഉദ്യോഗസ്ഥക്കെതിരെ എതിരെ രൂക്ഷമായി വിമർശനമിച്ച് ഹൈക്കോടതി
പൊലീസുകാരി ഒരു സ്ത്രീയല്ലെന്നും എന്തിനാണ് ഇങ്ങനൊരു പിങ്ക് പൊലീസെന്നും കോടതി ചോദിച്ചു.
‘കുട്ടിയുടെ കരച്ചില് വേദന ഉണ്ടാക്കുന്നു. മൊബൈല് ഫോണിന്റെ വില പോലും കുട്ടിയുടെ ജീവന് നല്കിയില്ല. ഇങ്ങനെയാണോ പെരുമാറേണ്ടത്,’ കോടതി പറഞ്ഞു.സംഭവത്തില് ഡി.ജി.പിയോട് കോടതി നേരിട്ട് റിപ്പോര്ട്ട് തേടി.
കാക്കിയിട്ടത് കൊണ്ടാണ് പൊലീസ് ഉദ്യോഗസ്ഥയ്ക്ക് നാട്ടുകാരുടെ കൈയില് നിന്ന് അടി കിട്ടാതിരുന്നതും കുട്ടിക്ക് ജീവനുള്ള കാലം പൊലീസിനോടുള്ള പേടി മാറുമോയെന്നും കോടതി ചോദിച്ചു.
കേസുമായി ബന്ധപ്പെട്ട് ഡിസംബര് ഏഴിനുമുന്പ് റിപ്പോര്ട്ട് സമര്പ്പിക്കണം. പൊലീസ് ഉദ്യോഗസ്ഥ മാപ്പുപറഞ്ഞെങ്കില് ആ പ്രശ്നം തീരുമായിരുന്നു. അതിന് തയ്യാറാകാത്തതാണ് കാക്കിയുടെ പ്രശ്നം. പൊലീസുകാര്ക്കെതിരെ സംസാരിച്ചാല് കള്ളക്കേസില് കുടുക്കുന്ന രീതി കാക്കിയുടെ അഹന്തയാണെന്നും കോടതി കുറ്റപ്പെടുത്തി.
ഓഗസ്റ്റ് 27നായിരുന്നു കേസിനാസ്പദമായ സംഭവം. പിങ്ക് പൊലീസ് ഉദ്യോഗസ്ഥ സി.പി രജിതയുടെ മൊബൈല് ഫോണ് പൊലീസ് വാഹനത്തില് നിന്നും എടുത്തുവെന്ന് ആരോപിച്ചായിരുന്നു പരസ്യ വിചാരണ.
അതേസമയം ബാലാവകാശ കമ്മീഷന്റെ ഇടപെടലിനെ തുടര്ന്ന് ഉദ്യോസ്ഥയ്ക്കെതിരെ കേസെടുക്കാന് ഉത്തരവിട്ടിട്ടുണ്ട്.
