കൊച്ചി: മുഖ്യമന്ത്രി വി.ഡി. സതീശനുമായി കൂടിക്കാഴ്ച നടത്തി തുഷാർ വെള്ളാപ്പള്ളി. ആലുവയെ വീട്ടിലെത്തിയാണ് തുഷാർ വെള്ളാപ്പള്ളി കൂടിക്കാഴ്ച നടത്തിയത്. കൂടികാഴ്ചയെ രാഷ്ട്രീയമായി കാണേണ്ടതില്ലെന്നും സൗഹൃദ സന്ദർശനമെന്നും തുഷാർ വെള്ളാപ്പള്ളി വ്യക്തമാക്കി. മഞ്ഞുരുകിയോ എന്നാ ചോദ്യത്തിന് ‘അതിന് ഇവിടെ കല്ലില്ലല്ലോ’ എന്നും തുഷാർ മറുപടി നൽകി.
മുഖ്യമന്ത്രിയുടെ സത്യപ്രതിജ്ഞാ ചടങ്ങിൽ പങ്കെടുക്കാൻ കഴിയാത്തതിനാലാണ് ഇപ്പോൾ കാണാനെത്തിയതെന്നും, ഇന്ന് അദ്ദേഹത്തിന്റെ ജന്മദിനം കൂടിയായതിനാൽ ആശംസകൾ അറിയിക്കുകയുമാണ് ലക്ഷ്യമെന്നും അദ്ദേഹം വ്യക്തമാക്കി. എസ്എൻഡിപി യോഗത്തിന് മുഖ്യമന്ത്രിയുമായി വളരെ നല്ല ബന്ധമാണുള്ളതെന്നും അദ്ദേഹം കൂട്ടിച്ചേർത്തു.
വി.ഡി. സതീശനെതിരെ വെള്ളാപ്പള്ളി നടേശൻ നടത്തിയ പരാമർശങ്ങളെക്കുറിച്ചുള്ള ചോദ്യത്തിന്, അത് അദ്ദേഹത്തിന്റെ വ്യക്തിപരമായ അഭിപ്രായമാണെന്നായിരുന്നു തുഷാറിന്റെ മറുപടി. മാധ്യമങ്ങളുടെ ചോദ്യങ്ങൾക്ക് വെള്ളാപ്പള്ളി നടേശൻ നൽകിയ മറുപടികൾ മാത്രമായിരുന്നു അവയെന്നും അദ്ദേഹം പറഞ്ഞു. കൂടിക്കാഴ്ചയ്ക്ക് ശേഷം ‘മഞ്ഞുരുകിയോ’ എന്ന മാധ്യമപ്രവർത്തകരുടെ ചോദ്യത്തിന്, “അതിന് ഇവിടെ മഞ്ഞില്ലല്ലോ” എന്നായിരുന്നു തുഷാറിന്റെ രസകരമായ മറുപടി.
