വയനാട് ദുരന്തത്തിലെ ദുരിതബാധിതര്ക്ക് അവശ്യസാധനങ്ങള് എത്തിക്കുവാന് തിരുവനന്തപുരം കളക്ടറേറ്റ് ഗ്രൗണ്ട് ഫ്ളോറില് കളക്ഷന് സെന്റര് തുറന്നു. ദുരിതബാധിതര്ക്ക് സഹായമായി സാധനങ്ങള് ഇതിനോടകം വാങ്ങിയവര് കളക്ഷന് സെന്ററില് രാവിലെ 10 മുതല് രാത്രി 10 വരെ എത്തിക്കാവുന്നതാണ്. പഴയ വസ്തുക്കള് സ്വീകരിക്കില്ല. പുതിയതായി സാധനങ്ങള് ആരും തന്നെ വാങ്ങേണ്ടതില്ല. ആവശ്യമുണ്ടെങ്കില് ദുരന്ത നിവാരണ അതോറിറ്റി അറിയിക്കും. നിലവില് പുനരധിവാസത്തിന് പ്രാധാന്യം നല്കുന്നതിനാല് സംഭാവനകള് മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കേണ്ടതാണ്. ഇതു സംബന്ധിച്ച് സംശയങ്ങളുണ്ടെങ്കില് ജില്ലയിലെ കണ്ട്രോള് റൂം നമ്പറായ 1077 ല് വിളിയ്ക്കാവുന്നതാണ്.
