തിരുവനന്തപുരം: കുളത്തൂരില് ദേശീയപാതയില് കാറിനുള്ളില് പുരുഷന്റെ മൃതദേഹം കണ്ടെത്തി. വലിയവേളി പൗണ്ട്കടവ് സ്വദേശി ജോസഫ് പീറ്റര് ആണ് മരിച്ചത്. കഴക്കൂട്ടം എസിപിയുടെ നേതൃത്വത്തില് പരിശോധന തുടങ്ങി.
രാവിലെ റോഡിലൂടെ നടന്നുപോയവര് ദുര്ഗന്ധം എവിടെ നിന്നാണെന്ന് നോക്കിയപ്പോഴാണ് കാറിനുള്ളില് ഒരാളെ കാണുന്നതും പൊലീസിനെ അറിയിക്കുന്നതും. പരിശോധനകള്ക്കൊടുവിലാണ് ആളെ തിരിച്ചറിഞ്ഞത്. മൃതദേഹത്തിന് മൂന്ന് ദിവസത്തെ പഴക്കമുണ്ടെന്നാണ് വിവരം. സീറ്റിനടിയില് കിടക്കുന്ന നിലയിലായിരുന്നു മൃതദേഹം.
കാറും പീറ്ററിന്റെ ഉടമസ്ഥതയിലുള്ളതാണ്. എങ്ങനെയാണ് മരണം സംഭവിച്ചത് എന്നതടക്കമുള്ള കാര്യങ്ങള് പോസ്റ്റുമോര്ട്ടത്തിന് ശേഷമെ വ്യക്തമാകൂ.
