മുതിര്ന്ന കോണ്ഗ്രസ് നേതാവ് ഉമ്മന്ചാണ്ടിക്കെതിരെ കോട്ടയത്ത് പോസ്റ്റര് പ്രതിഷേധം. ഉമ്മൻചാണ്ടി കോൺഗ്രസിന്റെ അന്തകനോ എന്നാണ് പോസ്റ്ററിൽ ചോദിച്ചിരിക്കുന്നത്. കോട്ടയം ജില്ലാ കമ്മറ്റി ഓഫിസിനു മുന്നിലും നഗരത്തിലുമായാണ് പോസ്റ്റർ പതിപ്പിച്ചിട്ടുള്ളത്.. ഡിസിസി പ്രസിഡണ്ട് പട്ടികയിലെ അതൃപ്തിയാണ് പോസ്റ്റര് പ്രതിഷേധത്തിന് കാരണം.
കഞ്ചാവ് കടത്തുകാരേയും കോണ്ഗ്രസിന്റെ അന്തകരേയുമാണ് ഡിസിസി പ്രസിഡണ്ട് സ്ഥാനത്തേക്ക് പരിഗണിക്കുന്നതെന്നാണ് വിമര്ശനം. സേവ് കോണ്ഗ്രസ് ഫോറത്തിന്റെ പേരിലാണ് പോസ്റ്റര്.
കെപിസിസി സെക്രട്ടറിയായ നാട്ടകം സുരേഷ് ഡിസിസി ജനറല് സെക്രട്ടറി യൂജിന് തോമസ് എന്നിവരാണ് നിലവില് കോട്ടയം ഡിസിസി അധ്യക്ഷസ്ഥാനത്തേക്ക് പരിഗണിക്കപ്പെടുന്നത്.
