കോട്ടയം നഴ്സിങ്ങ് കോളോജിലെ റാഗിങ്ങ് സംഭവത്തില് കൂടുതല് നടപടികള്. റാഗിങ്ങ് കേസിലെ പ്രതികളായ അഞ്ച് വിദ്യാര്ഥികളുടെ തുടര് പഠനം തടയാന് നഴ്സിങ്ങ് കൗണ്സില് തീരുമാനിച്ചു.
ഇന്നലെ സംഭവത്തില് രണ്ട് പെരെ സസ്പെന്ഡ് ചെയ്തിരുന്നു. കോളേജ് പ്രിന്സിപ്പല് പ്രൊഫ. സുലേഖ എ.ടി., അസി. വാര്ഡന്റെ ചുമതലയുള്ള അസി. പ്രൊഫസര് അജീഷ് പി മാണി എന്നിവരെയാണ് അന്വേഷണ വിധേയമായി സസ്പെന്ഡ് ചെയ്തത്. റാഗിങ്ങ് തടയുന്നതിലും ഇടപെടുന്നതിലും വീഴ്ച പറ്റിയെന്ന് കണ്ടെത്തിയതിന്റെ അടിസ്ഥാനത്തിലായിരുന്നു നടപടി.
ഹൗസ് കീപ്പര് കം സെക്യൂരിറ്റിയെ അടിയന്തരമായി നീക്കം ചെയ്യാനും നിര്ദേശമുണ്ട്. ആരോഗ്യ വകുപ്പ് മന്ത്രി വീണാ ജോര്ജിന്റെ നിര്ദേശത്തെ തുടര്ന്ന് മെഡിക്കല് വിദ്യാഭ്യാസ വകുപ്പ് ഡയറക്ടര് നടത്തിയ അന്വേഷണത്തെ തുടര്ന്നാണ് നടപടിയുണ്ടായത്.
