തിരുവനന്തപുരം: കേന്ദ്രസര്ക്കാരിനേയും ബിജെപി ദേശീയനേതൃത്വത്തിനേയും വെട്ടിലാക്കി ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര്. പെഹല്ഗാമിലെ ഭീകരാക്രമണത്തില് സുരക്ഷാ വീഴ്ച ഉണ്ടായി എന്ന് എല്ലാവരും കാണുന്നതല്ലേയെന്ന് എന്ന് രാജീവ് ചന്ദ്രശേഖര് ചോദിച്ചു. ‘പാകിസ്താനി ഭീകവാദികള് വന്ന് മതംചോദിച്ച് നിരപരാധികളായ സഞ്ചാരികളെ കൊന്നത് നമ്മള് കണ്ടു. ഇത് എങ്ങനെ നടന്നുവെന്നത് സര്ക്കാര് പരിശോധിക്കുമെന്നും അദ്ദേഹം പറഞ്ഞു. ഭീകരവാദത്തിനെതിരെ എല്ലാവരും ഒന്നിക്കണം. സിപിഎമ്മും കോണ്ഗ്രസും ഇത് മനസ്സിലാക്കണം. സതീശനും എം.എ ബേബിയും സുരക്ഷാ വിദഗ്ധരാവേണ്ടെന്നും’ രാജീവ് ചന്ദ്രശേഖര് പറഞ്ഞു.
അതേസമയം, പെഹല്ഗാം ഭീകരാക്രമണത്തിനു പിന്നാലെ പാകിസ്താനിലെ ഹൈകമ്മീഷനിലെ സുരക്ഷ ഒഴിവാക്കാന് കേന്ദ്രസര്ക്കാര്. ഹൈ കമ്മീഷന് മുന്നിലെ പൊലീസ് ബാരിക്കേടുകള് നീക്കം ചെയ്തു. പാകിസ്താന്റെ എക്സ് അക്കൗണ്ടും ഇന്ത്യ മരവിപ്പിച്ചു. ഇന്ത്യയില് പാകിസ്താന് എക്സ് അക്കൗണ്ട് ഇനി ലഭിക്കില്ല.
