കോഴിക്കോട്: മെഡിക്കല് കോളേജില് പുക ഉയര്ന്ന് പരിഭ്രാന്തിയുണ്ടായത് ബാറ്ററി കത്തിയത് മൂലമെന്ന് ഫയര്ഫോഴ്സ്. യുപിഎസ് മുറിയിലെ മുപ്പത് ബാറ്ററികളില് അഞ്ച് എണ്ണം കത്തിയ നിലയിലാണെന്നാണ് ഫയര്ഫോഴ്സ് പ്രാഥമിക പരിശോധനയ്ക്ക് ശേഷം അറിയിച്ചത്. ആകെയുള്ള 38 ബാറ്ററികളില് 37 എണ്ണം കത്തിനിശിച്ചെന്ന് അധികൃതര് പറയുന്നു.
പുക ഉയരുന്നതിന് മുന്പായി മെഡിക്കല് കോളേജില് മൂന്ന് തവണ വൈദ്യുതി മുടങ്ങിയിരുന്നു. ഇതിന് പിന്നാലെയാണ് പുക ഉയര്ന്നത്. ഷോര്ട് സര്ക്യൂട്ട് മാത്രമാണോ പ്രശ്നം അല്ലെങ്കില് ബാറ്ററിയുടെ ഗുണനിലവാരത്തില് പ്രശ്നമുണ്ടോ എന്നതടക്കം പരിശോധിക്കുന്നുണ്ട്.
വെള്ളിയാഴ്ച രാത്രി ഏഴരയോടെയാണ് മെഡിക്കല് കോളേജ് അത്യാഹിത വിഭാഗത്തില് നിന്ന് പുക ഉയര്ന്നത്. ഉടന് തന്നെ ഫയര്ഫോഴ്സ് സ്ഥലത്തെത്തി രോഗികളെ ഒഴിപ്പിച്ചു. സംഭവത്തില് ആരോഗ്യ വകുപ്പ് മന്ത്രി വീണാ ജോര്ജ് മെഡിക്കല് വിദ്യാഭ്യാസ വകുപ്പ് ഡയറക്ടര്ക്ക് അന്വേഷണത്തിന് നിര്ദേശം നല്കിയിട്ടുണ്ട്.
