മഹാകവി ജി. ശങ്കരക്കുറുപ്പിന്റെ മകൾ രാധ അന്തരിച്ചു

മഹാകവി ജി. ശങ്കരക്കുറുപ്പിന്റെ മകളും പ്രൊഫസർ എം. അച്യുതന്റെ പത്നിയുമായ രാധ (86) അന്തരിച്ചു. മകൾ കൊച്ചി നഗരസഭ മുൻ ഡെപ്യൂട്ടി മേയർ ഭദ്രയുടെ ഇടപ്പള്ളിയിലുള്ള കോൺഫിഡന്റ് പ്രൈഡ് ഫ്ലാറ്റിൽ വച്ചായിരുന്നു അന്ത്യം. സംസ്ക്കാരം വെള്ളിയാഴ്ച പതിനൊന്ന് മണിക്ക് രവിപുരത്ത് നടക്കും. ഡോ. നന്ദിനി നായർ (ക്യൂട്ടിസ് ക്ലിനിക്ക് എറണാകുളം) ഡോ നിർമ്മല പിള്ള (പൂന )എന്നിവരാണ് മറ്റു മക്കൾ. പ്രശസ്ത ഓങ്കോളജിസ്റ്റ് മോഹൻ നായർ, ജി.എം. പിള്ള ( സാഹിത്യകാരൻ ജി.മധുസുദനൻ ) ഐ.എ.എസ് ( പൂന) എന്നിവർ മരുമക്കളാണ്.