ആഢംബര കപ്പലിലെ ലഹരി പാർട്ടിയുമായി ബന്ധപ്പെട്ട് ആര്യന് ഖാന് ലഹരിമരുന്ന് എത്തിച്ചുനല്കിയത്തിന് ഒരു മലയാളി അറസ്റ്റിൽ. ശ്രേയസ് നായരാണ് അറസ്റ്റിലായത്. ആര്യന് ഖാന് ലഹരി മരുന്ന് എത്തിച്ചു കൊടുത്തത് ശ്രേയസ് നായരാണെന്ന് കണ്ടെത്തി. ശ്രേയസ് എന്സിബി കസ്റ്റഡിയിലാണ്. ആര്യന്റെയും അര്ബാസിന്റെയും വാട്ആപ്പ് ചാറ്റുകളില്നിന്നാണ് ലഹരിമരുന്ന് വിതരണക്കാരെ സംബന്ധിച്ചുള്ള കൂടുതല് വിവരങ്ങള് കണ്ടെത്തിയത്.മയക്കുമരുന്ന് കേസില് അറസ്റ്റിലായ ബോളിവുഡ് സൂപ്പര്സ്റ്റാര് ഷാരൂഖ് ഖാന്റെ മകന് ആര്യന് ഖാനാണ് ഒന്നാം പ്രതി. ആര്യനും അര്ബാസിനും ശ്രേയസ് നായരെ നേരത്തെ പരിചയമുണ്ടെന്നാണ് എന്.സി.ബി. ഉദ്യോഗസ്ഥര് നല്കുന്നവിവരം. ചില പാര്ട്ടികളില് മൂവരും പങ്കെടുത്തിരുന്നു. ഇതിന്റെ ചിത്രങ്ങളും അന്വേഷണസംഘം കണ്ടെടുത്തിട്ടുണ്ട്. ലഹരിപാര്ട്ടി നടന്ന ആഡംബര കപ്പലില് ശ്രേയസ് നായരും യാത്രചെയ്യാന് പദ്ധതിയിട്ടിരുന്നു. എന്നാല് മറ്റുചില കാരണങ്ങളാല് ഇയാള് യാത്ര ഒഴിവാക്കുകയായിരുന്നു. കഴിഞ്ഞ നാല് വര്ഷമായി ആര്യന് മയക്ക് മരുന്ന് ഉപയോഗിച്ചിരുന്നുവെന്നാണ് എന് സി ബി കണ്ടെത്തിയിരിക്കുന്നത്.
