കണ്ണൂർ: കുറുമാത്തൂരിൽ കിണറ്റിൽ വീണ് രണ്ടുമാസം മാത്രം പ്രായമുള്ള കുഞ്ഞ് മരിച്ചത് കൊലപാതകമെന്ന് കണ്ടെത്തൽ. സംഭവത്തിൽ മാതാവിന്റെ മാതാവിൻ്റെ അറസ്റ്റ് രേഖപ്പെടുത്തി. കുറുമാത്തൂർ പൊക്കുണ്ടിലെ മുബഷിറയുടെ അറസ്റ്റാണ് രേഖപ്പെടുത്തിയത്. തിങ്കളാഴ്ചയാണ് വീട്ടിലെ കിണറ്റിൽ വീണ് കുഞ്ഞ് മരിച്ചത്.
കുഞ്ഞിനെ കുളിപ്പിക്കുന്നതിനിടെ അബദ്ധത്തിൽ കയ്യിൽ നിന്നും വഴുതി കിണറ്റിൽ വീണതെന്നാണ് അമ്മ മുബഷിറ പറഞ്ഞിരുന്നത്.
എന്നാൽ, ഇരുമ്പ് വലയിട്ട് മൂടിയ കിണറിൽ കുഞ്ഞ് എങ്ങനെ വീണു എന്ന സംശയമുണ്ടായി. മൊഴികളിൽ വൈരുദ്ധ്യം തോന്നിയതിനെ തുടർന്ന് പൊലീസ് നടത്തിയ ശാസ്ത്രീയ അന്വേഷണത്തിലാണ് കൊലപാതകമാണെന്ന് തെളിഞ്ഞത്. പ്രസവത്തിന് ശേഷം മുബഷിറ മാനസിക പ്രശ്നങ്ങൾ നേരിട്ടിരുന്നതായാണ് വിവരം. വൈദ്യ പരിശോധനക്ക് ശേഷം മുബഷിറയെ കോടതിയിൽ ഹാജരാക്കും.
