ഇന്ധന നിരക്കില് വര്ധനവ് തുടരുന്നു. ഡീസലിന് ഇന്ന് 36 പൈസയും പെട്രോളിന് 35 പൈസയുമാണ് കൂട്ടിയത്.
തിരുവനന്തപുരത്ത് പെട്രോള് വില 110 രൂപയിലേക്ക് അടുക്കുകയാണ്. നഗരത്തില് പെട്രോള് ഒരു ലിറ്ററിന് 109 രൂപ 51 പൈസയാണ് ഇന്നത്തെ വില. ഡീസല് ഒരു ലിറ്ററിന് 103 രൂപ 15 പൈസയുമായി വര്ധിച്ചു. തലസ്ഥാന ജില്ലയില് തന്നെയാണ് ഇന്ധന നിരക്ക് ഏറ്റവും കൂടുതല്.കഴിഞ്ഞ ഒരു മാസത്തിനിടെ ഡീസലിന് ഏഴ് രൂപ 73 പൈസയും പെട്രോളിന് ആറ് രൂപ അഞ്ച് പൈസയുമാണ് വര്ധിപ്പിച്ചത്.
കൊച്ചിയില് ഡീസല് വില 101 കടന്നു. 101 രൂപ 32 പൈസയാണ് ഒരു ലിറ്ററിന്. പെട്രോളിന് 107 രൂപ 55 പൈസയുമാണ് ഇന്നത്തെ നിരക്ക്. കോഴിക്കോട് പെട്രോള് വില 107 രൂപ 69 പൈസയായി ഉയര്ന്നു. ഡീസലിന് 101 രൂപ 46 പൈസയാണ് ഒരു ലിറ്ററിന്.
