പാലക്കാട്: സംസ്ഥാനത്ത് വീണ്ടും ഡെങ്കിപ്പനി മരണം. പാലക്കാട് ചിറ്റൂർ പെരുമാട്ടി പള്ളിച്ചാർത്ത്ക്കുളമ്പ് സ്വദേശിനി ഗീത(45) ആണ് മരിച്ചത്. ഡെങ്കിപ്പനി ബാധിച്ച് ചിറ്റൂര് താലൂക്ക് ആശുപത്രിയില് ചികിത്സയിലായിരിക്കെയായിരുന്നു മരണം സംഭവിച്ചത്.
അങ്കണവാടി ജീവനകാരിയായിരുന്നു ഇവർ. പാലക്കാട് ജില്ലയില് ഈ മാസം ഡെങ്കിപ്പനി മൂലമുള്ള നാലാമത്തെ മരണമാണിത്. മെയില് രണ്ട് പേര് ഡെങ്കിപ്പനി ബാധിച്ച് മരിച്ചിരുന്നു. ഈഡിസ് കൊതുകുകള് പരത്തുന്ന ഒരു വൈറല് രോഗമാണ് ഡെങ്കിപ്പനി.
രോഗമുള്ള ഒരാളെ കടിക്കുമ്പോള് വൈറസുകള് കൊതുകിൻ്റെ ഉമിനീര് ഗ്രന്ധിയില് എത്തുകയും മറ്റൊരാളെ ഈ കൊതുക് കടിക്കുമ്പോള് അത് അയാളുടെ രക്തത്തില് കലര്ന്ന് രോഗമുണ്ടാകുകയും ചെയ്യുന്നു.
